Ադրբեջանի պաշտպանության նախարարությունը հրապարակել է այսօր ձերբակալված ՀՀ ԶՈՒ պահեստազորայինի լուսանկարը։
Հիշեցնենք՝ ավելի վաղ ՀՀ ՊՆ-ն հայտարարել էր, որ վարժական հավաքի մասնակիցն ինքնակամ լքել է դիրքը, որից հետո Ադրբեջանի ՊՆ-ն հայտարարեց հայ զինծառայողի ձերբակալության մասին և Հայաստանին մեղադրեց ՀՀ ԶՈՒ-ն սահմանագոտու արևելյան հատվածում դիվերսիոն ներթափանցման փորձ կատարելու համար։
Այնուհետև պարզվեց, որ ադրբեջանական կողմից ձերբակալված հայ զինծառայողը դիրքը լքած պահեստազորայինն է։
Ադրբեջանի պաշտպանության նախարարությունը հաղորդագրություն է տարածել՝ հայտարարելով, թե իբր այսօր՝ օգոստոսի 16-ին՝ ժամը 11:15-ի սահմաններում, Հայաստանի զինված ուժերի հետախուզադիվերսիոն խումբ է փորձել ներթափանցել Ադրբեջանի տարածք:
Հաղորդագրության համաձայն՝ դա տեղի է ունեցել ուղեփակոց չպարունակող, բաց սահմանային հատվածում:
Նաև նշվում է, որ հայ զինծառայողներից մեկը վիրավորվել և ձերբակալվել է ադրբեջանցի զինծառայողների կողմից:
Ներկայումս ճշտվում են ձերբակալված հայ զինծառայողի մասին տեղեկությունները:
Նշենք, որ հայկական կողմից սույնի մասին պաշտոնական հրապարակումներ դեռևս չկան, սակայն հնարավոր է՝ խոսքը վարժական հավաքների վայրը լքած պահեստազորայինի մասին է, ում՝ դիրքը լքելու մասին ավելի վաղ հայտարարել էր ՊՆ-ն:
ՀՀ ՊՆ-ն հրապարակել է տեսանյութը, թե ինչպես են ադրբեջանցիները ձերբակալում պահեստազորայինին և մեքենայով տեղափոխում անհայտ ուղղությամբ։
Բաց մի թողեք
Ադրբեջանի ԶՈՒ-ն ներկայացրել է ԼՂ ՊԲ կողմից հանձնված զինտեխնիկան․ Լուսանկարներ
Թուրքը 100 մետր ներքև է, մեզ ասում են գնացեք ձեր տները. ԼՂ քաղաքացիները դեռ Ստեփանակերտի օդանավակայանում են․ Տեսանյութ
Նախնական տվյալներով՝ 300-ից ավելի անհետ կորածներ կան, մոտ 300 զոհ