Այսօր՝ օգոստոսի 17-ին, ողբերգական ավտովթար է տեղի ունեցել Արմավիրի մարզում։
Ժամը 08։00-ի սահմաններում Արմավիրի մարզի բնակիչ 22-ամյա Վարդան Հովեյանը իր վարած «Մերսեդես» մակնիշի ավտոմեքենայով Էջմիածին-Մասիս ավտոճանապարհի 1-ին կմ հատվածում՝ դեպի Ոսկեհատ ընթանալիս, դուրս է եկել ճանապարհի երթևեկելի գոտուց, մի քանի պտույտ շրջվելով՝ գլխիվայր հայտնվել դաշտում։
Վթարի հետևանքով Վ․ Հովեյանը տեղում մահացել է։
Դին փրկարարները հայտնաբերել են ավտոմեքենայից մոտ 47 մետր հեռավորության վրա։
Հրշեջ-փրկարարները հոսանքազրկել են ավտոմեքենան, փակել գազաբալոնն ու դադարեցրել դիզվառելիքի արտահոսքը։
Ավելի վաղ հայտնել էինք, որ այսօր առավոտյան վթար է տեղի ունեցել Արմավիրի մարզում։ Ոսկեհատ գյուղում մեքենայից 50 մետր հեռավորության վրա հայտնաբերվել է 22-ամյա վարորդի դին։
Վթարի զոհը՝ Վարդան Հովեյանը, Լաչինից էր, պատերազմից հետո ընտանիքի հետ տեղափոխվել էր Արմավիրի մարզ, Էջմիածնում տուն ձեռք բերել և հաստատվել այնտեղ։
Նշենք, որ տղան նոր էր ամուսնացել՝ օգոստոսի 3-ին։ Հարսանիքից հետո կնոջ հետ մեկնել էր հանգստի և երեկ էր վերադարձել Հայաստան։
Բաց մի թողեք
20-ամյա տղան միրգ հավաքելիս դիպել է ծառերի ճյուղերի միջով անցնող էլեկտրական մալուխներին, հոսանքահարվել և մահացել
62-ամյա ստահակը 16-ամյա աղջնակին ահաբեկել ու նրա կամքին հակառակ սեքսուալ բնույթի բռնի գործողություններ է կատարել
Երևանում մեկնարկել են անհնազանդության ակցիաները․ բերման է ենթարկվել Անդրանիկ Թևանյանը․ Լուսանկարներ