Օգոստոսի 18-ին, ժամը 01։07-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Դիլիջան քաղաքի Թբիլիսյան խճուղում տեղի է ունեցել ՃՏՊ՝ բախվել են երկու ավտոմեքենա․ անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «DAF» մակնիշի բեռնատարը (վարորդ՝ Կ․ Պ․, ծնված 1981 թ․) և «Mercedes-Benz» մակնիշի ավտոմեքենան (վարորդ՝ Ս․ Ա․, ծնված 1997 թ․) այնուհետև «Mercedes-Benz» մակնիշի ավտոմեքենան բախվել է բետոնե էլեկտրական սյանը, որը շրջվել է․ երթևեկությունը դարձել է միակողմանի։
Մինչ փրկարարների կանչի վայր հասնելը՝ «Mercedes-Benz» մակնիշի ավտոմեքենայի վարորդը հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար։
Փրկարարները հոսանքազրկել են «Mercedes-Benz» մակնիշի ավտոմեքենան․ երթևեկությունը դարձել է երկկողմանի երթևեկելի։
Օգոստոսի 17-ին, ժամը 23։33-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Չարենցավան քաղաքի «Կանաչ» բենզալցակայանի մոտակայքում այրվում է ավտոմեքենա։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Շահումյան փողոցի սկզբնամասում «Mercedes-Benz» մակնիշի ավտոմեքենան (վարորդ՝ Գ․ Մ․) դուրս է եկել ճանապարհի երթևեկելի հատվածից և հայտնվել ծառերի մեջ․ ավտոմեքենաjում հրդեհ է բռնկվել, տուժածներ չկան։
Հրդեհը մեկուսացվել է ժամը 23:44-ին, մարվել՝ օգոստոսի 18-ին, ժամը 00:05-ին: Այրվել է ավտոմեքենայի շարժիչի և սրահի հատվածները:
Օգոստոսի 17-ին, ժամը 22։23-ին Սյունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Լիճք-Տաշտուն ավտոճանապարհին բեռնատար ավտոմեքենան կողաշրջվել է, տուժածներ չկան. անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Լիճք-Տաշտուն ավտոճանապարհի 26-րդ կմ-ին «MACK» մակնիշի բեռնատարից (վարորդ՝ Ֆ․ Մ․ ծնված 1978 թ., ԻԻՀ քաղաքացի) երկրորդ ցիստեռն անջատվել է և ընկել ճանապարհի երթևեկելի հատված՝ այն դարձնելով միակողմանի երթևեկելի․ տուժածներ չկան:
Փրկարարները հատուկ տեխնիկայի միջոցով ցիստեռնը դուրս են բերել ավտոճանապարհից․ ճանապարհը դարձել է երկկողմանի երթևեկելի։
Բաց մի թողեք
Մարդիկ տարհանվում են հազարներով, ՌԴ առաքելությունը չի ապահովել նրանց խաղաղ գոյությունը Լեռնային Ղարաբաղում. Մարուքյան
Ստեփանակերտ-Գորիս մայրուղու ծանրաբեռնված վիճակի պատճառով հնարավոր չի լինում կազմակերպել ծանր վիրավորների տեղափոխում
ԼՂ-ից ՀՀ սեփական մեքենաներով տեղափոխվող քաղաքացիներին բենզալցակայաններում անվճար վառելիք կտրվի