Թուրքական իշխանությունները անտառային հրդեհների պատճառով փակել են Դարդանելի նեղուցը՝ հարավից հյուսիս նավերի անցման համար. հայտնում են տեղական ԶԼՄ-ները:
Իշխանություններին չի հաջողվում հսկողության տակ առնել անտառային հրդեհը։ Երկիրը տարհանում է ավելի քան 200 հազար մարդու Չանաքքալեի մերձակա գյուղերից։ Նշվում է, որ 24 ժամվա ընթացքում Թուրքիայում տարհանվել է 13 գյուղ:
Հաղորդվում է մի քաղաքացու մահվան մասին։ Շտապելով փրկել իր անասուններին՝ նա հայտնվել է կրակի շրջափակման մեջ:
Թուրքիայի հյուսիս-արևմուտքում գտնվող Չանաքքալե նահանգում մոլեգնող խոշոր անտառային հրդեհի պատճառով Դարդանելի նեղուցը երկու ուղղություններով փակ է նավերի շարժի համար։
Ավելի վաղ նեղուցի մերձակայքում գտնվող Չանաքքալե նահանգում հրդեհ էր բռնկվել, որն ուժեղ քամու պատճառով սկսել էր արագ տարածվել։ Հրդեհաշիջման աշխատանքներին ներգրավված է 8 ինքնաթիռ, 26 ուղղաթիռ, մոտ 180 միավոր վերգետնյա տեխնիկա։
«Որպես նախազգուշական միջոց՝ Չանաքքալե-Չան մայրուղին փակ է քաղաքացիական երթևեկության համար, իսկ Դարդանելը՝ երկու կողմից ծովային տրանսպորտի համար»,- այսօր ասել է Ալի Յերլիկայան՝ նշելով, որ հրդեհից տուժած շրջանից արդեն տարհանվել է 1251 մարդ։
Բաց մի թողեք
Ռուսաստանն այլևս չունի Կովկասի երեք երկրներից և ոչ մեկի աջակցությունը. Սաակաշվիլի
Թուրքիայի դեսպանատան դիմաց այրել են Էրդողանի կերպարանքով մոտ 2 մետրանոց տիկնիկը․ Շվեդիա
Մոսկվայի օդանավակայաններում առնվազն 27 չվերթ է հետաձգվել