Ուժեղ երկրաշարժ՝ Ադրբեջանում, այն զգացվել է Արցախում, Սյունիքում․ ՀՀ ՆԳՆ

Օգոստոսի 23-ին` տեղական ժամանակով ժամը 01:23-ին (Գրինվիչի ժամանակով օգոստոսի 22-ին, ժամը 21:23-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 38.93⁰ և արևելյան երկայնության 49.11⁰ աշխարհագրական կոորդինատներով Ադրբեջան՝ Նեֆթչալա քաղաքից 52 կմ հարավ, օջախի 10 կմ խորությամբ, 4.6 մագնիտուդով երկրաշարժ:

Էպիկենտրոնային գոտում ստորգետնյա ցնցման ուժգնությունը կազմել է 6 բալ:

Երկրաշարժը զգացվել է Արցախի Հանրապետությունում՝ 3 բալ և Սյունիքի մարզում՝ 2-3 բալ ուժգնությամբ։

Ադրբեջանում 4,9 մագնիտուդ ուժգնությամբ երկրաշարժ է տեղի ունեցել:

Ադրբեջանի Գիտությունների ազգային ակադեմիայի հանրապետական ​​սեյսմոլոգիական ծառայության կենտրոնի գլխավոր տնօրեն Գուրբան Յեթիրմիշլին ասել է, որ Ադրբեջանում ամեն օր թույլ ցնցումներ են տեղի ունենում։ Սրանք բնական գործընթացներ են։

«Այսօր կիրականացվի ստուգում, որտեղ տները ճաքեր ու վնասներ ունեն։ Սա Արտակարգ իրավիճակների նախարարության աշխատանքն է։ Ուժեղ ավերածություններով երկրաշարժի հավանականություն չկա։ Մարդիկ չպետք է անհանգստանան»,- ասաց նա։