Ադրբեջանի ԱԳ նախարար Ջեյհուն Բայրամովը Բելգիայի Թագավորության արտաքին գործերի, եվրոպական հարցերի և արտաքին առևտրի, դաշնային մշակութային հաստատությունների նախարար Հաջա Լահբիբի հետ ասուլիսի ժամանակ մեկնաբանել է Հայաստանի վարչապետ Նիկոլ Փաշինյանի այն հայտարարությունը, թե Երևանը Բաքվին խաղաղության պայմանագրի նոր առաջարկներ է ուղարկել։
«Մի հետաքրքիր միտում եմ ուզում նշել. որպես կանոն, հայկական կողմը 30-60 օր շարունակ անպատասխան է թողնում Ադրբեջանի կողմից ուղարկված մեկնաբանությունները։ Խոսքն այն մասին չէ՝ շատ է դա, թե քիչ, բայց ադրբեջանական կողմը դա ընդունում է որպես գործընթացի անբաժանելի մաս։
Եվ ահա հայկական կողմն ու Հայաստանի վարչապետը նոր ռեկորդ սահմանեցին․ իրենց մեկնաբանությունները մեզ ուղարկելուց ընդամենը 40 րոպե անց հայտարարություն արեցին մամուլի համար։ Դա ակնհայտորեն ցույց է տալիս՝ որ կողմն է հետաքրքրված գործընթացի լուծմամբ, իսկ որ կողմն է հակված քաղաքական հայտարարություններ հնչեցնելու»,- Հայաստանի վարչապետ Նիկոլ Փաշինյանի երեկվա հայտարարությանն է արձագանքել Բայրամովը։
Բաց մի թողեք
Ռուս խաղաղապահների 15 մեքենա Լաչինի միջանցքով մտել է ԼՂ
Ինքնակամ զենքը ցած դրած զինվորականներն ազատ են արձակվում. Հաջիևը հայտնել է երաշխիքի մասին
Թուրքիայի ՊՆ-ն Հայաստանի հասցեին մեղադրանքներ է հնչեցրել