Օգոստոսի 24-ին՝ ժամը 12.30-ին, ոստիկանության Լոռու մարզային վարչություն հաղորդում է ստացվել «Ալավերդի» բժշկական կենտրոնից: «1-03» զանգած անհայտ քաղաքացին հայտնել է, որ Ալավերդի քաղաքի Սանահին-Սարահարթի ճոպանուղու վերևի կանգառի մոտ դանակահարված տղամարդ կա:
Քիչ անց «Կրծքավանդակի կտրած-ծակած թափանցող վերքեր» ախտորոշմամբ 47-ամյա տղամարդը տեղափոխվել է հիվանդանոց:
Դեպքի վայր և հիվանդանոց են մեկնել ոստիկանության Թումանյանի բաժնի ծառայողներ, սակայն, ըստ բժիշկների, տղամարդն ի վիճակի չի եղել հաղորդում տալու. վիճակը ծանր է եղել:
«Նախաձեռնվեց քրեական վարույթ, և ձեռնարկած միջոցառումների արդյունքում հաջողվեց պարզել կատարվածը: Առավոտյան ժամը 09-ի սահմաններում 62-ամյա մի տղամարդ իր այգում երկու ծանոթի հետ կերուխում էր արել բավական երկար: Անձնական հարցերի շուրջ վեճը ծագել և հանգուցալուծման է հասել կեսօրին մոտ: Այգու տերը դանակի երկու հարված է հասցրել 47-ամյա տղամարդու կրծքավանդակին՝ փորձելով սպանել նրան և դիմել փախուստի:
Դանակը հայտնաբերվել է դեպքի վայրում:
Մինչ իրավապահները ձեռնարկում էին միջոցառումներ՝ կասկածյալին հայտնաբերելու ուղղությամբ, ժամը 15.43-ին հիվանդանոցից ստացվեց հաղորդում, որ Վասիլ Քիքանյանը մահացել է:
Ի վերջո, Լոռու մարզային վարչության և պարեկային ծառայության Լոռու մարզի գումարտակի գործընկերների հետ համատեղ միջոցառումերի արդյունքում դանակահարողը հայտնաբերվեց, ձերբակալվեց և ներկայացվեց ոստիկանության Թումանյանի բաժին:
Ժամը 21.25-ին նա տեղափոխվել է ձերբակալվածների պահման վայր:
Վեճի պատճառն ու դեպքի հանգամանքները պարզվում են»,- ասված է ՆԳՆ ոստիկանության հաղորդագրության մեջ:
Մանրամասները՝ տեսանյութում:
Բաց մի թողեք
Երևանի տարբեր փողոցներում իրավիճակը լարվել է. ոստիկանները բերման են ենթարկում երթի մասնակիցներին
Երևանում՝ քրեակատարողական հիմնարկում, 45-ամյա դատապարտյալ է մահացել
Կոչ եմ անում զինվել ձողերով, դանակներով, շղթաներով, տրոսներով, բենզինի շշերով. բռնության կոչ անող անձը ձերբակալվել է