Կիրակի գիշերը Կուրսկում անօդաչու թռչող սարքը մխրճվել է բազմաբնակարան շենքի մեջ, հայտնել է Ռուսաստանի մարզի նահանգապետ Ռոման Ստարովոյտը։
Նրա խոսքով՝ անօդաչու թռչող սարքի հարձակման հետևանքով զոհեր և վիրավորներ չկան։
«Մի քանի հարկերում ապակիներ են կոտրվել։ Պայթյունի ալիքից վնասվել են նաև Կուրսկի պետական ագրարային համալսարանի ինժեներական ֆակուլտետի մի քանի պատուհաններ։ Հրդեհներ չեն եղել»,- գրել է նա Telegram-ի իր ալիքում։
Ավելի վաղ ՌԴ ՊՆ-ն հայտնել էր Կուրսկի շրջանում անօդաչու թռչող սարքի հարձակման մասին։ Ռազմական գերատեսչության տվյալներով՝ անօդաչու թռչող սարքը խոցվել է հակաօդային պաշտպանության ուժերի կողմից։
Ռուսաստանի Դաշնության պաշտպանության նախարարությունը հայտնել է նաև Բրյանսկի շրջանում անօդաչու թռչող սարքի ոչնչացման մասին։
Բաց մի թողեք
Ջեյհուն Բայրամովը կասկածի տակ է առել ՄԱԿ խորհրդի հեղինակությունը
Վաղուց ժամանակն է վերանայել հարաբերություններն Ադրբեջանի հետ․ ԵԽ պատգամավորների քննարկում
Կովկասի երկրների տարածքային ամբողջականության պահպանումը կարմիր գիծ է մեզ համար. Իրանի պաշտպանության նախարար