«Վագներ» մասնավոր ռազմական կազմակերպության ղեկավար Եվգենի Պրիգոժինին պատկանող երկրորդ բիզնես ինքնաթիռը առաջինի վթարից մեկ օր անց վայրէջք է կատարել Բաքվում։
Թե ով է գտնվում ինքնաթիռում՝ հայտնի չէ։
Այս մասին տեղեկություն է տարածվել ուկրաինական UNIAN լրատվամիջոցի «Տելեգրամ» ալիքով՝ Flightradar-ի տվյալներին հղումով։
Նշվում է, որ բիզնես-ջեթը Բաքվում վայրէջքի նախօրեին պտտվել է Մոսկվայի վրայով, այնուհետև թռել Սանկտ Պետերբուրգ, հետո՝ հայտնվել ադրբեջանական օդում:
ՌԴ Տվերի մարզում օգոստոսի 23-ին կործանվել էր Embraer-135 մասնավոր բիզնես-ինքնաթիռը, որում եղել էր 10 մարդ, այդ թվում՝ «Վագներ» մասնավոր ռազմական կազմակերպության ղեկավար Եվգենի Պրիգոժինը և նրա օգնական Դմիտրի Ուտկինը՝ «Վագներ» մականունով, որը համարվում է ՄՌԿ-ի հիմնադիրը։
Պաշտոնական տեղեկատվության համաձայն՝ բոլոր 10 անձինք, ներառյալ՝ անձնակազմի անդամները, զոհվել են:
Օդային տրանսպորտի դաշնային գործակալության տվյալներով բոլոր ուղևորները, որոնք «Վագներ» ՄՌԿ հրամանատարությունն ու կարևոր զինյալներն են, մահցել են: Զոհվել ե նաև օդանավաի անձնակազմի անդամները՝ 2 օդաչուն և բորտուղեկցորդուհին:
Ինչպես հայտնում է Financial Times-ը, ինքնաթիռը խոցվել է ռուսական հակաօդային պաշտպանության համակարգի կողմից։ Մահացածների բոլոր 10 մարմինները, այդ թվում՝ անձնակազմի երեք անդամները, հայտնաբերվել են։ Նրանք գենետիկ փորձաքննություն են անցնում։
Բաց մի թողեք
Լուսանկարներ՝ Շուշիի սուրբ Ղազանչեցոց եկեղեցուց, կեղծվում է
«Վայլդբերրիզ»-ը օգտվողների բանկային քարտերից տարբեր չափի գումար է գանձում, երբ օգտվողները պատվերներ չեն կատարել
«Եռաբլուր» լացողներ, «Եռաբլուրի» կեսը սեփականաշնորհել էիք, եկել՝ ի՞նչ եք խոսում. Փաշինյանն ընդդիմությանը