Օգոստոսի 29-ին, կեսգիշերից քիչ անց, Տավուշի մարզի պարեկներին է մոտեցել մի քաղաքացի և հայտնել, որ երեկոյան Իջևանի Անկախության փողոցում գտնվող խանութի դռան փականը կոտրելու միջոցով մտել ու գողություն են կատարել:
Այս մասին հայտնում են ՆԳՆ ոստիկանությունից:
Դեպքի վայր է մեկնել ոստիկանության Իջևանի բաժնի օպերատիվ խումբը, նաև՝ քննիչ, փորձագետ ու պարեկներ:
Մթերային խանութից գողացել էին տարբեր տեսակի ծխախոտներ՝ պատճառելով մոտ մեկ միլիոն դրամի վնաս:
Ոստիկանության Տավուշի մարզային վարչության և Իջևանի բաժնի ծառայողների ձեռնարկած օպերատիվ-հետախուզական միջոցառումները հանգուցալուծվել են նույն օրը, ժամը 17:10-ին:
Իջևանի Բլբուլյան փողոցում հայտնաբերվել և մի տղամարդու «Լեքսուսը» նստելու պահին ձերբակալվել է գողության մեջ կասկածվող 34-ամյա երիտասարդը:
Նրա ձեռքին եղել է պոլիէթիլենային պարկ` տարատեսակ ծխախոտներով լի, որոնց ընդհանուր արժեքը կազմեց 150 հազար դրամ:
Վարորդն ու 34-ամյա երիտասարդը ձերբակալվել և ներկայացվել են Տավուշի մարզային քննչական վարչություն:
Երիտասարդը տեղափոխվել է ոստիկանության Իջևանի բաժնի ձերբակալվածների պահման վայր: Հանգամանքները նախաքննությամբ պարզվում են:
Բաց մի թողեք
Կրակել են Բաշինջաղյան փողոցում գտնվող տներից մեկի ուղղությամբ. կա ձերբակալված
Ադրբեջանի դատախազությունը հայտնել է Դավիթ Բաբայանին ձերբակալելու մասին
Դատախազությունը «Մասիս» ՋՕ ընկերության նախկին տնօրենից պահանջում է բռնագանձել 6 անշարժ գույք և շուրջ 64 մլն դրամ