«Ֆրանսիայում շատ քիչ երևույթներ կան, որոնք կարող են մի սեղանի շուրջ հավաքել այսքան տարբեր քաղաքական հայացքներ ունեցող մարդկանց»:
Այս մասին այսօր Հայաստան ժամանած Ֆրանսիայի քաղաքապետի և պատվիրակության այլ անդամների մամուլի ասուլիսի ժամանակ ասաց պատվիրակության անդամ քաղաքական գործիչներից մեկը:
«Առաջին պատճառը, որ մենք այստեղ ենք, այն է, որ այստեղ այս պահին ողբերգություն է տեղի ունենում, և ինչպես շատ ճիշտ աասացին իմ գործընկերները, այսօրվա տեղի ունեցածը Արցախը վերածում է բանտի բաց երկնքի տակ, նույնիսկ համակենտրոնացման ճամբարի, և այն, ինչ տեղի է ունենում այսօր, իսկապես հանգեցնում է էթնիկ զտման և ցեղասպանության: Այդ էթնիկ զտման և ցեղասպանության փորձը ուղղված է 120 հազար մարդու դեմ, որից 30 հազարը երեխաներ են, և, ինչպես տիկին Անն Իդալգոն էր ասում քիչ առաջ, այս իրավիճակը համապատասխանում է ցեղասպանության կանխարգելման կոնվենցիայի 2-րդ հդվածին, որտեղ նշվում է՝ այնպիսի իրավիճակի ստեղծում, որը ենթարկում է որևէ խմբի այնպիսի կյանքի պայմանների, որոնք կարող են դրա ոչնչացմանը հանգեցնել»,- ասաց քաղաքական գործիչը:
Վերջինս նկատեց՝ ոչ ոք չի կարող ասել, թե չգիտեինք՝ ինչ է տեղի ունենում, իրավիճակը շատ հստակ է, և քաղաքական բողոքներ կամ հայտարարություններ անելու ժամանակը չէ. «Մենք պահանջում ենք Ֆրանսիայի նախագահից օգտվելով Ֆրանսիայի դիրքից՝ այն փաստից, որ Ֆրանսիան ՄԱԿ-ի Անվտանգության խորհրդի մշտական անդամ է, ընդունել տալ բանաձև, որը թույլ կտա վերջապես բացել Լաչինի միջանցքը և դնել այն միջազգային պաշտպանության տակ, որպեսզի բացվի նաև երթևեկությունը: Բնականաբար, խոսքը մարդասիրական ճանապարհի մասին է»:
Քաղաքական գործիչը նաև ընդգծեց. «Վերջապես այստեղ ենք՝ ասելու մեր հայ բարեկամներին, որ մենք ոչինչ չենք մոռացել, մենք կապված ենք պատմության անքակտելի կապերով, կապեր, որոնք քաղաքակրթության հետ են կապված, արժեքների ու նաև այսօրվա արժեքների հետ, որոնցից ամենակարևորը ժողովրդավարությունն է: Մենք ձեր կողքին ենք»:
ԼՂ մայրաքաղաք Ստեփանակերտում բարձրացվել է Ֆրանսիայի դրոշը՝ ի նշան երախտագիտության բնակչությանն ուղարկված հումանիտար օգնության:
Այսօր՝ վաղ առավոտյան, Ֆրանսիայից Լեռնային Ղարաբաղի բնակչությանն ուղարկված մարդասիրական օգնության շարասյունը կեսօրին հասել է Կոռնիձոր՝ Լաչինի միջանցքի սկզբնամաս:
Փարիզի քաղաքապետ Անն Իդալգոն ուղեկցում է 10 բեռնատարից բաղկացած շարասյունը:
Օգնությունը հատկացրել են Փարիզ քաղաքը, Իլ դը Ֆրանս, Օվերն-Ռոն-Ալպ, Օ դը Ֆրանս, Օքսիտանիա, Լուարի երկիր ռեգիոնները։
Բաց մի թողեք
Ով ավելի մեծ սուտ ասի, կստանա Կրեմլի կեսը. Հարությունյան
Հայաստանը մնալու է կանգու´ն. Հայկ Կոնջորյանը ներկայացրել է հրեշավոր ծրագրի դեպքերի հաջորդականությունը
Ինչ պետք է անեն բոլոր այն մարդիկ, ովքեր ՀՀ պետականության կողքին են. Կոնջորյանը մանրամասնել է