Այսօր՝ սեպտեմբերի 2-ին, արտակարգ դեպք է տեղի ունեցել Երևանում: Ժամը 16:20-ի սահմաններում Կոմիտասի պողոտայում՝ 39/6 հասցեի դիմաց, 64-ամյա Ֆելիքս Մ.-ն իր վարած թիվ 10 երթուղին սպասարկող տրոլեյբուսով վրաերթի է ենթարկել հետիոտն, Երևանի բնակիչ 56-ամյա Սուսաննա Կ.-ին:
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է շտապօգնություն և մինչ օպերատիվորեն կժամաներ շտապօգնության բժիշկների հերթապահ խումբը, վիրավորին առաջինն օգնության են հասել ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդի 1-ին գումարտակի 2-րդ վաշտի ավագ պարեկ Ռոբերտ Եղիազարյանն ու պարեկ Վաղարշակ Սարգսյանը:
Վերջիններս քաղաքացիների օգնությամբ վիրավորին առաջին անհրաժեշտ բուժօգնություն են ցուցաբերել, ապա օպերատիվորեն ժամանած բժիշկները նրան տեղափոխել են հիվանդանոց:
Վարորդին հոգեբանական օգնություն են ցուցաբերել դեպքի վայրի հարևանությամբ գտնվող «Միստր Գիրոս» սննդի կետի աշխատակիցները:
Դեպքի վայրում հավաքվածները ասում էին, որ վրաերթի ենթարկվածը տրոլեյբուսի ուղևոր է եղել և նա իջել է տրոլեյբուսից, սպասելով վարորդի հրահանգաներին, վարորդն էլ չնկատելով նրան՝ անզգուշաբար վրաերթի է ենթարկել:
Վարորդը ենթարկվել է սթափության փորձաքննության, եղել է սթափ:
Բաց մի թողեք
Աննախադեպ երևույթ․ Կառավարության անդամներից ոչ ոք չցավակցեց արցախցիներին
Վաչագան Ղազարյանը մի քանի օրից ազատ կարձակվի
Բոլոր ոստիկանները պարգևավճարներ են ստացել