Շենգավիթ բժշկական կենտրոնը լուսանկար է հրապարակել՝ կից գրելով․
«Ծանոթացեք փոքրիկ Վանեն է` արցախյան 44-օրյա պատերազմում զոհված Վահե Մխիթարյանի նորածին քույրը
Վահեի մայրը` 44-ամյա Լուսիկ Մանուչարյանը, պատմում է, որ ամուսնու հետ մտադրություն չեն ունեցել կրկին երեխա ունենալու, սակայն դուստրը, ով եղբոր կորուստը շատ ծանր է տանում, մի անգամ երազ է տեսնում, որում եղբայրը մի նորածին աղջիկ երեխա է քրոջը տալիս ու ասում` «Վերցրու նրան, որ էլ չասես մենակ մնացի»:
Դստեր երազից հետո, հենց նրա ներգործությամբ որոշում են դիմել «Շենգավիթ» ԲԿ, իսկ այսօր արդեն հրաշք Վանեին գրկած գնում են տուն:
Խորհրդանշական երազները շարունակվել են նաև Լուսիկ Մանուչարյանի հղիության ընթացքում: Մայրը հուզված պատմում է` դժվար հղիության ընթացքում որդին անդադար երազներով այցելել է իրեն, մի անգամ էլ եկել է ու ասել` «Մամ ջան, չմտածես գալու եմ, ու գնամ սովորելու»։
Լուսիկը խոստովանում է՝ սրտի խորքում հենց աղջիկ էր ուզում ունենալ, ասում է` թեկուզ միայն իր սրտում, բայց տղա ունի, իսկ տարիներ հետո հոգեպես հաստատ այլևս ուժ չէր ունենա նրան բանակ ճանապարհելու։
Փոքրիկ Վանեին օգնել է լույս աշխարհ գալ «Շենգավիթ» ԲԿ գինեկոլոգ-ռեպրոդուկտոլոգ Աննա Խաչատրյանը և մանկաբարձ-գինեկոլոգ Անի Սիրունյանը, իսկ նրա առաջին բժիշկն է նեոնատոլոգ Արթուր Ջանազյանը»։
Բաց մի թողեք
Սեպտեմբերի 24-ի աստղագուշակ․ Օրը բարենպաստ է շփումների, կարևոր հարցեր քննարկելու համար
Փոխհրաձգության արդյունքում ադրբեջանցի մեկ զինծառայող է վիրավորվել․ իրավիճակը՝ սահմանին
Արցախում մոտ 100 զոհվածների մարմիններ գտնվում են Ստեփանակերտից կտրված բնակավայրերում․ Լուսանկարներ