ՀՀ արդարադատության նախարար Գրիգոր Մինասյանն այսօր Կառավարության նիստից հետո լրագրողների հետ զրույցի ժամանակ անդրադարձավ ՀՀ–ում Հռոմի ստատուտը վավերացնելու հետ կապված մի քանի հարցի։
Նա նշեց, որ ստատուտի նախագիծը ԱԺ է ներկայացվել, քանի որ դա միտված է ՀՀ–ի ինքնիշխան տարածքում քրեաիրավական միջազգային լծակների ավելացմամբ, դա պետական շահին է ուղղված։
Ըստ նրա՝ իրավական առումով ստատուտը անպայման վավերացվելու է և Կառավարության որոշումն ու ԱԺ–ում ստատուտը վավերացնելը կապ չունեն ՌԴ–ում տեղի ունեցող իրադարձությունների հետ։
Հռոմի ստատուտը կապ չունի հայ–ռուսական հարաբերությունների հետ, երեկ ԱԺ–ում Կառավարության հետ հարցուպատասխանի ժամանակ հայտարարել էր նաև ՀՀ վարչապետը։
«Կառավարությունը ուղարկել է Հռոմի ստատուտը Ազգային ժողով, և՛ իմ, և՛ մեր խմբակցության դիրքորոշմամբ՝ այն վավերացվելու է ամբողջությամբ ու լիարժեք։ Դա որևէ կապ չունի Հայաստան-Ռուսաստան հարաբերությունների հետ, դա կապ ունի Հայաստանի անվտանգային խնդիրների հետ»,- ասաց Փաշինյանը։
Բաց մի թողեք
Բոլոր համապատասխան մարմինները ստացել են հանձնարարականներ, արձագանքը կոտ է լինելու. վարչապետ
Այսօր մենք կրում ենք անասելի տառապանքներ, բայց կարևոր է հասկանալ՝ ինչու պիտի անցնենք այս ճանապարհը. վարչապետ
Մեր երկիրը, պետականությունը լուրջ մարտահրավերների առաջ է կանգնած. հավատում եմ քեզ, իմ իմաստուն ժողովո՛ւրդ. Ալեն Սիմոնյան