Մոսկվայում ԱՄՆ դեսպան Լին Թրեյսին կանչվել է ՌԴ ԱԳՆ, որտեղ նրան հանձնվել է նոտա՝ դեսպանատան առաջին և երկրորդ քարտուղարների գործողությունների դիվանագիտական կարգավիճակի հետ անհամատեղելիության մասին։
Ջեֆրի Սիլինը և Դեյվիդ Բերնշտեյնը հայտարարվել են «պերսոնա նոն գրատա»:
ՌԴ դիվանագիտական աղբյուրը տեղեկացրել է, որ դեսպանատան առաջին և երկրորդ քարտուղարները յոթ օրվա ընթացքում պետք է լքեն Ռուսաստանի Դաշնությունը:
«Նշված անձինք անօրինական գործողություններ են իրականացրել՝ կապ պահպանելով օտարերկրյա պետության հետ «գաղտնի համագործակցության» մեջ մեղադրվող ՌԴ քաղաքացի Ռոբերտ Շոնովի հետ»,- տեղեկացրել են ԱՄՆ դեսպանին:
ՌԴ ԱԳՆ-ն ընդգծել է, որ ԱՄՆ դիվանագիտական առաքելության անօրինական գործունեությունը, այդ թվում՝ միջամտությունը Ռուսաստանի Դաշնության ներքին գործերին, «անընդունելի է և վճռականորեն կճնշվի: Ռուսական կողմն ակնկալում է, որ Վաշինգտոնը ճիշտ եզրակացություններ կանի և զերծ կմնա առճակատման քայլերից»,- եզրափակել է ԱԳՆ-ն։
Բաց մի թողեք
Ջեյհուն Բայրամովը կասկածի տակ է առել ՄԱԿ խորհրդի հեղինակությունը
Վաղուց ժամանակն է վերանայել հարաբերություններն Ադրբեջանի հետ․ ԵԽ պատգամավորների քննարկում
Կովկասի երկրների տարածքային ամբողջականության պահպանումը կարմիր գիծ է մեզ համար. Իրանի պաշտպանության նախարար