Սյունիքի մարզպետի եւ Կապանի ՔՊ-ականների հարաբերությունները լարվելու նոր պատճառ կա՝ ԲԿ տնօրենի պաշտոնից Ասատուր Ասատրյանին ազատելու հրամանը։
«Հրապարակ» օրաթերթը գրում է. Վնասվածքաբանի մասնագիտությամբ Ասատրյանը Կապանի ավագանու ՔՊ-ականներից է, պատգամավոր Դավիթ Դանիելյանի մտերիմը, տնօրեն է նշանակվել 2022-ի հունվարին՝ մեկ տարով: Մարզպետը նրան դժկամությամբ էր նշանակել՝ ընդառաջելով Արսեն Թորոսյանի, Դանիելյանի խնդրանքին:
Ըստ որոշ լուրերի՝ ԲԿ-ն պարտքեր է կուտակել, ինչն էլ դարձել է ազատման պատճառը։ «Դա իրականությանը չի համապատասխանում․․․․ Դա ոչ թե կուտակված պարտքեր են, այլ հիմնավորված բաներ են, որոնց մասին ես առայժմ չեմ ուզում խոսել»,- ասաց Ասատրյանը՝ հավելելով, որ մարզպետի որոշումը պատրաստվում է բողոքարկել դատական կարգով, որովհետեւ չգիտի, թե «ինչի համար է ազատվել»։
Մարզպետ Ռոբերտ Ղուկասյանի որոշմամբ, Կապանի ԲԿ-ի տնօրենի ԺՊ է նշանակվել մասնագիտությամբ դեղագործ, 61-ամյա Արմեն Թադեւոսյանը, ով մինչ այդ մարզպետարանի առողջապահության եւ սոցիալական հարցերի վարչության գլխավոր մասնագետն է եղել։
Բաց մի թողեք
Մոտ օրերս կհայտարարվի Արցախի պետական մարմինների լուծարման մասին
Հավատում եմ, որ Աստված երես չի թեքել հայ ազգից․ Կարեն Ջավալյան (Քյոխ)
ԱԳՆ-ի հայտարարությունը՝ ՀՀ-ում օտարերկրյա ԶԼՄ-ների գործունեության մասին