ՀՀ տարբեր բուժհաստատությունների բուժաշխատողներ այսօր բողոքի ակցիա են կազմակերպել ԿԽՄԿ գրասենյակի դիմաց՝ պահանջելով ԼՂ-ում գտնվող վիրավորներին, որոնց չեն կարողանում համապատասխան բժշկական օգնություն ցուցաբերել, անհապաղ տեղափոխել Հայաստան, ինչպես նաև ապահովել պատրաստակամ բուժաշխատողների մուտքը ԼՂ:
Մանկական վիրաբույժ Աշոտ Հովսեփյանն էլ նկատել է՝ բոլորի համար հասկանալի է, որ տևական ժամանակ կար դեղորայքի և բժշկական պարագաների սղություն, իսկ հիմա՝ այս պատերազմի պայմաններում, սղությունն էլ ավելի է արտահայտվել ԼՂ-ում և ճգնաժամ է, նույնիսկ առաջին բուժօգնությունը գրեթե անհնար է. «Կարմիր խաչից՝ որպես այս պահի դրությամբ Արցախում մուտք ունեցող միակ միջազգային կազմակերպությունից, պահանջում և խնդրում ենք ապահովել Արցախից ծանրդ հիվանդների դեպի Հայաստան տեղափոխելը և նաև պատրաստակամ բժիշկների մուտք դեպի Արցախ, որպեսզի կարողանանաք օգտակար լինել»:
«Արդեն այսօր 9 վիրավոր անձինք մեր ուժերով տեղափոխվել են և ստանում են բուժօգնություն հիվանդանոցում՝ Ստեփանակերտում, և դրա հետ մեկտեղ մենք կարողացել ենք նաև որոշակի քանակությամբ բուժպարագաներ փոխանցել հիվանդանոցին»:
Նա նկատեց, որ հույս ունեն, որ առաջիկայում կշարունակվի աջակցությունը թե՛ բուժառուների տեխափոխման առումով, թե՛ տարբեր մարդասիրական հումանիտար օգնության տեսքով:
«Այս հարցերով զբաղվելու մեր միակ հնարավորությունը ինչպես բազմիցս նշել ենք, դա կողմերի համաձայնությունն է, որը կարող է երաշխավորել թե՛ մարդասիրական օգնության, և թե՛ այդ օգնության և տեղաշարժի անվտանգությունը»,- նկատեց նա:
Հարցին, թե այստեղից բժիշկներ են ուզում գնալ ԼՂ, արդյո՞ք քննարկվել է հարցը և հարցը, ի՞նչ լուծման են եկել Զառա Ամատունին պատասխանեց. «Մեր կազմակերպությունը չի կարող այդպիսի գործելաոճ որդեգրել, մենք աշխատում ենք մեր մասնագետների օգնությամբ, բնականաբար համագործակցում ենք համապատասխան պատկան մարմինների հետ: Մեր գործելաոճը ենթադրում է, որ մենք կարող ենք միայն աշխատել մեր անձնակազմի հետ, նաև մեր գործընկեր հայկական «Կարմիր խաչ»-ի անձնակազմի և նաև կամավորների հետ»:
ՀՀ տարբեր բուժհաստատությունների բուժաշխատողներ բողոքի ակցիա էին կազմակերպել ԿԽՄԿ գրասենյակի դիմաց՝ պահանջելով ԼՂ-ում գտնվող վիրավորներին, որոնց չեն կարողանում համապատասխան բժշկական օգնություն ցուցաբերել, անհապաղ տեղափոխել Հայաստան, ինչպես նաև ապահովել պատրաստակամ բուժաշխատողների մուտքը ԼՂ:
Բաց մի թողեք
Հանրապետությունում նկատվում է սուր շնչառական վարակներով և թոքաբորբով պայմանավորված աճ
Առողջապահական առաջնային օղակը քաղաքացիների համար պետք է լինի առավել հասանելի, վստահելի ու մրցունակ. Ավինյան
Պեկինը թաքցնում է մահաբեր նոր համաճարակը