Իրավիճակը Լեռնային Ղարաբաղում էական ազդեցություն չի ունեցել Ադրբեջանի և Վրաստանի հետ Ռուսաստանի սահմանին անցակետերի գործունեության վրա։
Այս մասին լրագրողներին հայտնել է Ռուսաստանի Դաշնային մաքսային ծառայության (ԴՄԾ) ղեկավարի պաշտոնակատար Ռուսլան Դավիդովը։
«Բեռնաշրջանառության առումով մենք տեսնում ենք հոսքերի որոշակի տատանումներ ռուս-վրացական սահմանի (Վերին Լարս) և ռուս-ադրբեջանական սահմանի միջև, մենք այնտեղ երեք անցակետ ունենք, բայց, այնուամենայնիվ, մեր կարծիքով, այդ տատանումները կապված են առևտրաշրջանառության նյութատեխնիկական ապահովմամբ, թուրքական տարանցմամբ, քանի որ թուրքական տարանցման մեծ մասը այս սահմանով գնում է Կենտրոնական Ասիայի երկրներ:
Ընդհանուր առմամբ անցակետում հակամարտության սրման հետ կապված իրավիճակը չի փոխվել:
Վերջին 24 ժամվա ընթացքում Վերին Լարսով անցել է 1200 բեռնատար, ուստի մենք կայուն աշխատում ենք»,- լրագրողների հարցին ի պատասխան՝ ասել է Դավիդովը։
Նա նաև հավելել է, որ ընդհանուր առմամբ երկու սահմաններով օրական միջինում անցնում է մոտ 2 հազար բեռնատար։
Բաց մի թողեք
Դոլարը փոքր-ինչ թանկացել է, փոխարժեքներն՝ այսօր
Նասիմ Թալեբը կանխատեսում է համաշխարհային երեք ռիսկեր
Տարադրամի փոխարժեքները՝ դրամի հետ, այսօր