Արտակարգ դեպք Երևանում․ կինը երեխայի հետ սպառնացել է կամրջից ցած նետվել

Քիչ առաջ արտակարգ դեպք է տեղի ունեցել Երևանում։

Ժամը 11։20-ի սահմաններում ՀՀ Ներքին գործերի նախարարության Փրկարար ծառայության 911 Ճգնաժամային կառավարման ազգային կենտրոն ահազանգ է ստացվել, որ ժողովրդին հայտնի «Վստրեչի» կամրջից մի կին երեխային գրկած սպառնում է ցած նետվելով՝ ինքնասպան լինել։

ժամանել են հոգեբանների խումբը և Երևանի 1-03 շտապօգնության բժիշկների հերթապահ խումբը,  պարեկներ, ոստիկաններ:

Դեպքի վայրում հավաքվածներն ասել են, որ երեխային գրկած կինը նշել է, թե  ինքը ԼՂ քաղաքացի է ու անարդարության զոհ է դարձել և այլևս չի ուզում ապրել։

Ի վերջո, բժիշկներին, փրկարարներին ու ոստիկաններին հաջողվեց քաղաքացիների հետ համոզել այդ կնոջը և նրան տեղափոխել են շտապօգնության ավտոմեքենա, այնուհետ՝ հիվանդանոց։

Ոստիկանությունը պարզում է կնոջ ինքնությունը։