Վրաստանի խորհրդարանը այս շաբաթ կքվեարկի Հանրապետության նախագահ Սալոմե Զուրաբիշվիլիի իմպիչմենտի հարցը։
Այս մասին հայտարարել է Վրաստանի օրենսդիր մարմնի խոսնակ Շալվա Պապուաշվիլին։
Վրաստանի Սահմանադրական դատարանն ավելի վաղ եզրակացրել էր, որ Զուրաբիշվիլին խախտել է Սահմանադրությունը՝ առանց Կառավարության թույլտվության՝ աշխատանքային այցեր կատարելով եվրոպական երկրներ՝ բավարարելով խորհրդարանի մի խումբ պատգամավորների ներկայացրած դիմումը։
Սեպտեմբերի սկզբին Զուրաբիշվիլին այցելել էր Բեռլին, Բրյուսել և Փարիզ, որտեղ նա բարձր մակարդակի հանդիպումներ էր ունեցել:
Ավելի ուշ հայտնի էր դարձել, որ Վրաստանի կառավարությունը չի տվել դրա համաձայնությունը, ինչի պատճառով իշխող «Վրացական երազանք-Ժողովրդավարական Վրաստան» կուսակցությունը նախագահին մեղադրել է Սահմանադրությունը խախտելու համար և սկսել իմպիչմենտի գործընթաց։
Զուրաբիշվիլիին իմպիչմենտ հայտնելու գործընթացը տեղի կունենա, եթե 150 պատգամավորներից 100-ը աջակցեն դրան։ Իշխող կուսակցությունը խորհրդարանում ունի 84 մանդատ։
Բաց մի թողեք
ՌԴ-ում նախագահական ընտրություններ են. նշանակվել է օրը
ՌԴ դպրոցներից մեկում աշակերտուհու բացած կրակահերթի հետևանքով կան զոհեր և տուժածներ․ Լուսանկար
Ադրբեջանում նշանակվել են արտահերթ նախագահական ընտրություններ. 20 տարի նախագահող Ալիևը կրկին կառաջադրվի