Բազմից ասվել է, որ կա համաձայնություն խաղաղության սկզբունքների մասով, միջազգային հանրության ու Ադրբեջանի միջև ձևական համաձայնություն գոնե կա, և ուզում ենք համոզվել, որ այն բովանդակալի է ու իրական։
Ըստ Խաչատրյանի՝ սահմանների ճշգրտման հարցը արվելու է 1975 թվականի քարտեզներով։
Հարցին՝ եթե Ադրբեջանը ձևական մոտեցում է ցուցաբերում, ապա ինչպե՞ս են մինչ այս պահը տարվում բանակցությունները, պատգամավորը ընդգծեց․ «Ամենավատ բանն է, որ բանակցություններ տեղի չեն ունենում, այսօր բավականին մեծ առաջընթաց կա, Ադրբեջանը նախկինում չէր համաձայնվում, հիմա համաձայնություններ տալիս է։ Միջազգային հանրությունը ճնշում է գործադրում, և այդ ճնշումները տեղ են հասնում։ Իմ կարծիքով՝ այդ ձնագունդը ավելի է մեծանալու, և կնքվելու է պայմանագիր»։
Նրա կարծիքով՝ խաղաղության պայմանագիրը երբեմն խեղաթյուրում են, պատկերացում կա, որ դա եղբայրության մասին է, բայց դա նշանակում է, որ երաշխիքներ են տրվում, օրինակ, ՀՀ-ն չի հարձակվի Ադրբեջանի վրա, չկա որևիցե խնդիր, որը կարող է բերել ուժի կիրառման։
«Ադրբեջանն այժմ նստում է բանակցությունների սեղանի շուրջ և քննարկումների գնում։ Պետք է նկատած լինեք, որ Ադրբեջանի հռետորաբանությունն այլ էր, հիմա այլ է, բոլոր ուղղություններով՝ սկսած «Զանգեզուրի միջանցք»-ից և տարածքային ամբողջականության հետ կապված։ Սակայն Ադրբեջանի տրամաբանությունը կարող է փոխվել ժամ առ ժամ։
Ադրբեջանը չի կարող ասել, որ ՀՀ-ն ոչ կառուցողական է, որևէ պատճառ չկա, որ նա չճանաչի տարածքային ամբողջականությունը։ Բանակցային այլ պրոցեսներում, որ պետք է ստորագրություն և երաշխավորներ լինեԻՆ, դա դեռևս տեղի չի ունեցել»,- ասաց նա։
Պատգամավորը հիշեցրեց, որ այս ամսվա վերջին օրը նախատեսված էր հանդիպում, սակայն պաշտոնական Բաքու հրաժարվեց ներկա գտնվել՝ պատճառաբանելով, թե ժամանակի սղության հարց կա․ «Կգա ժամանակ, ու բանակցությունները տեղի կունենան. խաղաղությունը այլընտրանք չունի»։
Բաց մի թողեք
Բա երկու տարի առաջ ձեր քաղաքական թիմի համար վտանգ չէ՞ի․ Հարությունյանը՝ ՔՊ-ին
ԼՂ նախկին պաշտոնյաները նպատակ ունեն վերագործարկել պետական ինստիտուտները և ՀՀ բյուջեից աշխատավարձ ստանալ
ԱԺԲ-ի վերաբերյալ ԱՄՆ կոնգրեսականի հարցերն աննախադեպ և պատմական են