«Դվին» ռեստորանում տեղի է ունեցել Ջերմուկի քաղաքապետ Վահագն Արսենյանի՝ «Ջերմուկ գրուպ» ՓԲԸ հիմնադիր եւ գործադիր տնօրեն, ՀՀ Ազգային ժողովի 4-րդ եւ 6-րդ գումարման պատգամավոր, Ջերմուկի նախկին քաղաքապետ Աշոտ Արսենյանի որդու եւ գործարար Արսեն Արսենյանի դստեր հարսանեկան արարողությունը:
Նորապսակների ազգանունների համընկնումը զուգադիպություն է:
«Իրավունքի» տեղեկություններով՝ Արսենյանները հարսանեկան խնջույքը համարում են բավական համեստ, քանի որ ի սկզբանե մտադրություն ունեին արարողությունն անցկացնել Մարոկոյում: Այդուհանդերձ, «համեստ» խնջույքին ներկա են եղել մոտ 400 հոգի՝ ընտանիքի ամենամտերիմներն ու քաղաքական գործիչներ, որոնց չհրավիրել չէին կարող: Ելույթներով հանդես են եկել հայկական եւ արտասահմանյան շոու-բիզնեսի ներկայացուցիչներ, իսկ երեկոն վարել է ՀՀ արվեստի վաստակավոր գործիչ Ավետ Բարսեղյանը:
Հատկանշական է այն, որ եթե ընդդիմություն-իշխանություն հարաբերությունները գերլարված են քաղաքականության մեջ, ապա հարսանեկան արարողության ժամանակ որոշ ընդդիմադիրներ ու իշխանության ներկայացուցիչներ կարողացել են մեկ հարկի տակ ուրախանալ եւ վայելել ապաքաղաքական երեկոն»:
Բաց մի թողեք
Ազգային հավաքականի տղաները կաջակցե՞ն Արազ Օզբիլիսին. ՀՖՖ-ում խառն են
Ովքեր կմասնակցեն ՔՊ ամփոփիչ ժողովին. հյուրանոցում տեղեր են ամրագրել
ՔՊ-ականները թիրախավորում են կանանց. արհամարհական վերաբերմունք՝ թեկնածուների հանդեպ