Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ եվրոպացի պաշտոնյաները խորհուրդ են տվել ԵՄ-ին սկսել Ուկրաինայի և Մոլդովայի հետ անդամակցության պաշտոնական բանակցությունները՝ մի քանի պայմանների կատարման դեպքում:
ԵՄ զեկույցում նաև առաջարկվում է Վրաստանին դաշինքին միանալու թեկնածուի կարգավիճակ տալ:
Այս մասին հաղորդում է BBC-ին: Երեք պետությունների անդամակցության հարցը վերջնականապես պետք է որոշվի դեկտեմբերին կայանալիք ԵՄ գագաթնաժողովում։
Վրաստանը պետք է հետևի ԵՄ-ի կողմից սահմանված պատժամիջոցներին, պայքարի ապատեղեկատվության և քաղաքական բևեռացման դեմ, ինչպես նաև 2024 թվականին ապահովի ազատ և արդար ընտրություններ։
Ֆոն դեր Լեյենի խոսքով, Ուկրաինայի անդամակցության շուրջ բանակցությունները կսկսվեն հենց որ Կիևը կատարի լրացուցիչ պայմաններ կոռուպցիայի դեմ պայքարի, լոբբինգի մասին օրենքների և ազգային փոքրամասնությունների իրավունքների վերաբերյալ։
2022 թվականի հունիսի 17-ին Եվրահանձնաժողովը կարծիք էր պատրաստել Վրաստանին, Ուկրաինային և Մոլդովային ԵՄ անդամակցության թեկնածուի կարգավիճակ տրամադրելու հարցի վերաբերյալ։ Արդյունքում, Ուկրաինան և Մոլդովան ստացան ԵՄ թեկնածուի կարգավիճակ՝ որոշակի պարտավորություններով, մինչդեռ Վրաստանին հանձնարարվեց նախ իրականացնել 12 կետից բաղկացած ծրագիրը՝ նախքան թեկնածուի կարգավիճակ ստանալու հնարավորությունը:
Բաց մի թողեք
Ստամբուլում ձերբակալել են ՌԴ-ում գործող «Օրենքով գողեր» կազմակերպության ղեկավար Շամիլ Ամիրովին
«Մենք պետք է աջակցենք Ուկրաինային ինչպես լավ, այնպես էլ վատ ժամանակներում». Ստոլտենբերգ
ԵԱՀԿ-ն չկայացած, փլուզված կազմակերպություն է․ Սաակաշվիլի