Կրեմլը ցավում է, որ Հայաստանի վարչապետ Նիկոլ Փաշինյանը չի մասնակցի Հավաքական անվտանգության պայմանագրի կազմակերպության (ՀԱՊԿ) առաջիկա գագաթնաժողովին, որը տեղի կունենա նոյեմբերի 23-ին Մինսկում։
Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
«Եթե դա իսկապես այդպես է, ապա մենք կարող ենք միայն ափսոսանք հայտնել: Մենք հասկանում ենք, որ յուրաքանչյուր կառավարության կամ պետության ղեկավար կարող է ունենալ իր իրադարձություններն իր աշխատանքային գրաֆիկում, իր հանգամանքները: Բայց մենք կարող ենք միայն ափսոսանք հայտնել, քանի որ նման հանդիպումները շատ լավ առիթ են կարծիքներ փոխանակելու համար»,- նշել է Կրեմլի ներկայացուցիչը։
Միաժամանակ, նա հավելել է՝ Հավաքական անվտանգության պայմանագրի կազմակերպության ձևաչափը մնում է արդիական։
«Եվ այդ հանդիպումները, որոնք կազմակերպվում և անցկացվում են ՀԱՊԿ շրջանակներում, վկայում են դրա մասին»,- ընդգծել է Պեսկովը։
Մինսկում ՀԱՊԿ խորհրդի նիստին իր բացակայության մասին Բելառուի նախագահ Ալեքանդր Լուկաշենկոյին հայտնել է ՀՀ վարչապետ Նիկոլ Փաշինյանը՝ հույս հայտնելով, որ գործընկերները կհասկանան իր որոշումը։
Նախկինում Նիկոլ Փաշինյանը և Հայաստանի ԱԳՆ ներկայացուցիչները, ԱԽ քարտուղարը բազմիցս հայտարարել են, որ Երևանը չի քննարկում ՀԱՊԿ-ից դուրս գալու հնարավորությունը, սակայն Հայաստանի ներկայացուցիչները վերջին ամիսներին չեն մասնակցել կազմակերպության գրեթե բլոր միջոցառումներին։
Հայաստանը հետ է կանչել նաև ՀԱՊԿ-ում իր դեսպանին և դիվանագիտական առաքելության նոր ղեկավար չի նշանակել։
Բաց մի թողեք
Բուլղարիան պահանջել է, որ Զախարովայի մարմինը չլինի
Նախկինը՝ նորերի շարքում․ Ամենայն հավանականությամբ պետք է սպասել մանդատի փոխարինում
ԼՂ նախագահը, որին ընդդիմադիր դաշտը շատ սիրում է, զանգում է Բաքու, բանակցում. Բաբայան