Այսօր՝ նոյեմբերի 15-ին, խոշոր ավտովթար է տեղի ունեցել Երևանում:
Ժամը 07:30-ի սահմաններում Երևանի քաղաքապետարանի հաշվեկշռում հաշվառված «KamAZ» մակնիշի աղբատար ավտոմեքենան, դեռևս անհայտ հանգամանքներում, «Եռաբլուր» զինվորական պանթեոնի կամարի հարևանությամբ դուրս է եկել երթևեկելի գոտուց և բախվել երկաթե էլեկտրասյանը:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար, տուժածներ չկան:
Արտաքին լուսավորման սյանը բախվելու հետևանքով սյունը մասամբ թեքվել է և ինչ-որ դետալ վնասել է նշված վայրով ընթացող Nissan Tida մակնիշի ավտոմեքենայի դիմապակին:
Վթարի փաստով ՊԾ Երևան քաղաքի գնդի 3-րդ գումարտակում փաստաթղթեր են ձևակերպվում, որտեղ էլ պարզվում է վարորդների ինքնությունը:
Օպերատիվորեն ժամանել են նաև Երևանի քաղաքապետարանի և «Երքաղլույս» ՓԲ-ի աշխատակիցները:
Բաց մի թողեք
Ի՞նչ է պարզվել Շիրակում ողբերգական ելքով վթարի մասին. Լուսանկար
«Գյումրի» ԲԿ-ում անձը չպարզված տղամարդ է մահացել. ներկայացվել է արտաքին նկարագիրը
Երևանում 9 բալանոց խցանում է․ Լուսանկար