Երուսաղեմի պատրիարքությանը պատկանող «Կովերի պարտեզ» անունով հայտնի կալվածքում լարված իրավիճակ է:
Այս մասին հաղորդագրություն է տարածել Երուսաղեմի հայկական թաղամասի պաշտպանության և պահպանման շարժումը:
Երեկ՝ նոյեմբերի 15-ին՝ ժամը 16:30-ի սահմաններում, հրեա վերաբնակիչները մեքենաներով և մոտոցիկլետներով մտել են «Կովերի պարտեզ»: Քաղաքի հայ բնակիչները շրջափակել են բարիկադավորված սահմանագիծը:
Դեպքի վայր են ժամանել նաև Իսրայելի ոստիկանության ուժերը և բանակի ստորաբաժանումները, որից հետո վերաբնակիչները ցրվել են:
Իսրայելի ոստիկանությունը թույլատրել է որոշ վերաբնակիչների, որոնց նպատակը տարածքը յուրացնելն է, մնալ «Կովերի պարտեզում»: Ի պատասխան՝ հայ բնակիչները կենդանի վահան են կազմել և խաղաղ կերպով հորդորել ազատել տարածքը:
Ըստ հաղորդագրության, Իսրայելի ոստիկանությունը 3 հայ երուսաղեմցու է ձերբակալել: Նրանցից մեկն անչափահաս է:
Բաց մի թողեք
Երուսաղեմի հայ համայնքի նկատմամբ բռնությունների աճ կա․ France24
Ադրբեջանը ծրագրում է հետագայում վերացնել հայերի ներկայության բոլոր ֆիզիկական նշանները Լեռնային Ղարաբաղում. ՄԱԿ զեկուցող
Երկրաշարժի սգո օրը հայ երգչիստները տռճիկ կտան բեմում