Նախարար Ժաննա Անդրեասյանն այսօր Կառավարության շենքի դիմաց լրագրողների հետ զրույցում անդրադարձել է ԵՊՀ քիմիայի ֆակուլտետի նկուղում տեղի ունեցած պայթյունին:
«Այս պահին ուսումնասիրություններ են ընթանում: Մի քանի տարբերակներ կան: Ամեն դեպքում, ճիշտ կլինի սպասել մասնագիտական եզրակացությանը»,- ասել է նա:
Դիտարկմանը՝ այսինքն՝ բուհու անվտանգ չէ՞, նախարարը ընդգծել է․ «Իրավիճակը ծայրահեղացնել պետք չէ։ Այսպիսի պատահարներ գրանցվում են տարբեր շենքերում, շատ աշխատանք ունենք տանելու մեր բոլոր շենքերի անվտանգության հարցերը հասցեագրելու, բայց նման հայտարարություններ չէի շտապի անել։ Տեսչական համապատասխան մարմինը պարբերաբար ստուգումներ է անում ԵՊՀ-ում»։
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր այցելել է Երևանի պետական համալսարան: Նախարարը տեղում ծանոթացել է այսօր առավոտյան ԵՊՀ-ի առաջին մասնաշենքի նկուղային հարկում բռնկված հրդեհի հետևանքով ստեղծված իրավիճակին: Այս մասին հայտնում են նախարարությունից:
Այնուհետև Ժաննա Անդրեասյանն այցելել է «Հերացի» համալսարանական հիվանդանոց տեղափոխված քաղաքացուն:
Նախարարը զրուցել է տուժած քաղաքացու հետ, հետաքրքրվել նրա ինքնազգացողությամբ և մաղթել շուտափույթ ապաքինում։
Տուժածի վիճակը մասնագետները գնահատում են բավարար:
Բաց մի թողեք
ՌԴ դպրոցներից մեկում աշակերտուհու բացած կրակահերթի հետևանքով կան զոհեր և տուժածներ․ Լուսանկար
ՀՊՏՀ-ի ռեկտոր Դիանա Գալոյանը ԱՄՆ-ում գողություն անելու մեջ է մեղադրվում
Տղես սպանվել է «արա» բառի համար, պատասխան են տալու. Էջմիածնեցի 15 տարեկան տղայի մահվան պատճառը․ Տեսանյութ