Էջմիածնի Զվարթնոց թաղամասը աղբի մեջ կորած է։
Այս թաղամասում, ըստ բնակիչների, լավագույն դեպքում 20 օրը մեկ անգամ են համայնքապետարանից աղբը տեղափոխում։
Ահազանգած բնակիչները նշում են, որ կուտակված աղբից գարշահոտությունը բարձրանում է իրենց բնակարանները, թափառող շներն ու կատուները աղբը փողոցներով ցրիվ են տալիս ։
Էջմիածնի փոխքաղաքապետ Արսեն Պետրոսյանը «Հրապարակ»-ի հետ զրույցում անդրադառնալով բնակիչների կողմից բարձրաձայնված խնդրին` նշեց. «Այո, այդտեղ աղբահանության խնդիր ունենք։ Մեզ ժառանգություն է հասել շատ վատ տեխնիկա։ Ներողություն եմ խնդրում այդ վիճակի համար»։
Փոխքաղաքապետը նշեց, որ հունվարի կեսից նոր տեխնիկա է աշխատելու ու լիովին վերացնելու են խնդիրը։
Նրա խոսքով` մրցույթ է հայտարարվել, հայտնի է արդեն այն ընկերությունը, որը զբաղվելու է աղբահանությամբ։
Բաց մի թողեք
Երուսաղեմի հայ համայնքի նկատմամբ բռնությունների աճ կա․ France24
Ադրբեջանը ծրագրում է հետագայում վերացնել հայերի ներկայության բոլոր ֆիզիկական նշանները Լեռնային Ղարաբաղում. ՄԱԿ զեկուցող
Երկրաշարժի սգո օրը հայ երգչիստները տռճիկ կտան բեմում