Ադրբեջանի Պետական անվտանգության ծառայությունը հայտնում է, որ Ռաշիդ Բեգլարյանին մեղադրանք է առաջադրվել միաժամանակ մի քանի հոդվածով:
Ինչպես թելադրում է Ադրբեջանի՝ վաղուց որդեգրած շինծու մեղադրանքների պրակտիկան, վերջինս մեղադրվում է իբր 90-ականներին Ստեփանակերտ քաղաքի թիվ 3 մանկական հիվանդանոցում պահվող ադրբեջանցի ռազմագերիների նկատմամբ խոշտանգումներ կատարելու, ռազմական հանցագործությունների, անօրինական զինված խմբավորումների գործունեությանը մասնակցելու համար:
Վերջինս ձերբակալվել է։
Ըստ հաղորդագրության՝ Բեգլարյանը մատնանշել է «իր կողմից խոշտանգումների ենթարկված անձանց», որոնց ինքնությունը բացահայտվել է, և քրեական գործով ճանաչվել են տուժող։
Ադրբեջանի ՊԱԾ հաղորդագրության մեջ նաև նշվում է, թե իբր, ըստ Ռաշիդ Բեգլարյանի խոստովանության, «ադրբեջանցի 200 քաղաքացի սպանվել և թաղվել է Ասկերանի բերդի շրջակայքում»։
Հիշեցնենք՝ ԼՂ բնակիչը օգոստոսի 1-ին մոլորվելու հետևանքով հայտնվել է ադրբեջանական վերահսկողության ներքո գտնվող տարածքում և ձերբակալվել։
Հայաստանը Ադրբեջանի նկատմամբ միջանկյալ միջոց կիրառելու պահանջով Մարդու իրավունքների Եվրոպական դատարան դիմում է ներկայացրել Ռաշիդ Բեգլարյանի իրավունքների պաշտպանության վերաբերյալ:
Բաց մի թողեք
Ադրբեջանը ծրագրում է հետագայում վերացնել հայերի ներկայության բոլոր ֆիզիկական նշանները Լեռնային Ղարաբաղում. ՄԱԿ զեկուցող
Երկրաշարժի սգո օրը հայ երգչիստները տռճիկ կտան բեմում
Որքան հայ գերևարված կա Բաքվում