Երևանի ավագանու այսօրվա նիստի ժամանակ արձագանքելով «Մայր Հայաստան» խմբակցության ավագանու անդամ Նարինե Հայրապետյանի ելույթին՝ «Հանրապետություն» խմբակցության ղեկավար Անի Խաչատրյանն ասաց.
«Այս ամբիոնը պետք չէ օգտագործել մանկական երազանքների՝ ասմունքելու համար, այն էլ՝ անորակ բանաստեղծություններ: Սա լուրջ ամբիոն է, կա ընտրված քաղաքապետ և քաղաքային իշխանություն, եկեք մի քիչ լրջանանք և ամեն մի հարց չտանենք քաղաքական էժանագին շոուների»:
Երևանի քաղաքապետ Տիգրան Ավինյանն էլ նկատեց, որ Հայրապետյանի բուռն ելույթի ժամանակ բոլորը լուռ լսում էին, և ոչ ոք չէր արձագանքում, ակնկալում է նույնատիպ վերաբերմունք:
Այսօր՝ Երևանի ավագանու նիստի ժամանակ, «Մայր Հայաստան» խմբակցությունից մեկը առաջարկեց բոլոր հարցերը դարձնել զեկուցվող:
«Կան հանձնաժողովներ, որտեղ ավագանու անդամները պարտավոր են լինել անդամ, և թող բարի լինեն գան հանձնաժողովների նիստերին և ծանոթանան նախագծերին, մենք համաձայն չենք, դեմ ենք քվեարկում»,- խմբակցության դիրքորոշումը հայտնեց Խաչատրյանը:
Բաց մի թողեք
Դեկտեմբերի 3-ի աստղագուշակ․ Պնդեք ձեր տեսակետը, անգամ եթե դա ոչ բոլորին դուր գա
Նոր պատմություն․ Կյանքի ընկեր փնտրողների համար` Կյանքի ընկեր ՀԿ-ի հետ
2024-ի կանխատեսումներ. ինչպե՞ս հաշվարկել ձեր հաջողակ թիվը և դրա նշանակությունը