February 25, 2024

Ինչու են դադարեցվել ՍԴ դատավոր Արաիկ Թունյանի լիազորությունները

Եվրասիական տնտեսական միության դատարանի դատավոր ընտրվելու կապակցությամբ դադարել են ՍԴ դատավոր Արաիկ Թունյանի լիազորւթյունները՝ իր դիմումի հիմքով՝ «Ազգային ժողովի կանոնակարգ» սահմանադրական օրենքի 147-րդ հոդվածի 2-րդ մասով։

Այս մասին հայտնում են Սահմանադրական դատարանից:

«Սահմանադական դատարանի նախագահը, դատավորները և աշխատակազմը շնորհավորում են դատավոր Ա․ Թունյանին Եվրասիական տնտեսական միության դատարանի դատավոր ընտրվելու կապակցությամբ՝ երախտիքի խոսք հղելով ՀՀ Սահմանադրական դատարանի դատավորի պաշտոնում երկարամյա արդյունավետ աշխատանքի համար և վստահություն հայտնում, որ պարոն Թունյանի բարձր պրոֆեսիոնալիզմն ու մասնագիտական գործունեությունը կարևոր նշանակություն կունենան Եվրասիական տնտեսական միության դատարանի աշխատանքի արդյունավետության բարձրացման գործում».- ասված է ՍԴ հաղորդագրության մեջ:

Հիշեցնենք՝ Արաիկ Թունյանը հրաժարականի դիմում էր ներկայացրել 2023 թվականի դեկտեմբերի 26-ին:

Ազգային ժողովի նախագահ Ալեն Սիմոնյանը 2024-ի հունվարի 4-ին ստորագրել էր ՍԴ դատավոր Արաիկ Թունյանի լիազորությունները դադարած համարելու մասին արձանագրությունը:

Verified by MonsterInsights