February 24, 2024

Վթարների եւ վրաերթերի թիվը իրավապահներին մտահոգում է․ պարեկներն անցնում են ուժեղացված ծառայության

Նախորդ տարի հանրապետության տարածքում արձանագրված ճանապարհատրանսպորտային պատահարների վիճակագրությունը, զոհերի եւ վիրավորների թիվը իրավապահ համակարգում լուրջ մտահոգություններ է առաջացրել։

«Հրապարակ»-ի տեղեկություններով՝ ՀՀ Ներքին գործերի նախարարությունում հստակ հանձնարարական է իջեցվել՝ նվազեցնել մասնավորապես մահվան ելքով ավտովթարներն ու վրաերթերը։ Այս նպատակով այսօր ժամը 12-ից ՀՀ ներքին գործերի նախարարության ոստիկանության պարեկային ծառայության Երեւանի գնդի պարեկները մայրաքաղաքում իրականացնելու են ուժեղացված ծառայություն։ Իրավապահների ուշադրության կենտրոնում լինելու են ճանապարհը ոչ սահմանված վայրով անցնող հետիոտները։ Վարչական իրավախախտումների մասին օրենքի համաձայն, ոչ սահմանված վայրով ճանապարհը հատելը նախատեսում է 5000 դրամ տուգանք, ներում չի լինելու, տուգանվելու են բոլորը։

Verified by MonsterInsights