21/07/2024

Իրանի կառավարության արտահերթ նիստում նախագահի աթոռը դատարկ է. ինչ է այժմ սպասվում և ում կանցնի երկրի ղեկավարումը

Իրանի նախագահի և արտաքին գործերի նախարարի զոհվելու մասին հայտարարության առնչությամբ Իրանի կառավարության խորհուրդը հրատապ նիստ է հրավիրել:

Ուժի մեջ է մտնում ԻԻՀ սահմանադրության 131-րդ հոդվածը, որի համաձայն՝ նախագահի մահվան կամ երկարաժամկետ հիվանդության դեպքում երկրի կառավարումն անցնում է առաջին փոխնախագահին՝ հոգևոր առաջնորդի հաստատմամբ, և 50 օրվա ընթացքում պետք է կազմակերպվեն ընտրություններ:

Առաջին փոխնախագահն է Մոհամմեդ Մոհբերը:

Ինչպես հայտնել էինք, Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք էր կատարել Իրան-Ադրբեջան սահմանի մոտ։

Ուղղաթիռի բոլոր ուղևորներն ու անձնակազմի անդամները զոհվել են։

Օդանավում Իրանի նախագահի հետ են եղել նաև արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգի նահանգապետ Մալեք Ռահմատին և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմը: