16/07/2024

Շինարարական աշխատանքի ժամանակ բետոնե պանելը ընկել է քաղաքացու վրա․ 45-ամյա տղամարդը տեղում մահացել է

Մայիսի 30-ին՝ ժամը 16։00-ի սահմաններում, ՀՀ ներքին գործերի նախարարության ոստիկանության Արարատի մարզային վարչությունում օպերատիվ տեղեկություններ են ստացվել, որ Մասիս քաղաքի Հանրապետության փողոցի 73 հասցեում շինարարական աշխատանքներ կատարելու ժամանակ պանելը ընկել է քաղաքացու վրա, որը տեղում մահացել է։

Պարզվել է, որ նույն օրը՝ ժամը 15։45-ի սահմաններում, Արարատի մարզի բնակիչ 42-ամյա Կ. Խաչատրյանը իր «Կամազ» մակնիշի կռունկ ավտոմեքենայով շինարարական աշխատանքներ կատարելիս է եղել, երբ բետոնե վահանակը (պանել) ընկել է Արարատի մարզի բնակիչ 45-ամյա Քերոբ Նահապետյանի վրա, ինչի հետևանքով վերջինս տեղում մահացել է։

Դեպքի փաստով Մասիսի քննչական բաժնում «աշխատանքային կանոնները չպահպանելը, որն առաջացրել է մարդու մահ» հատկանիշներով նախաձեռնվել է քրեական վարույթ։