16/07/2024

Վրաստանի վարչապետը հայտարարել է, որ երկրում «մայդան» չի լինելու

Վրաստանի վարչապետ Իրակլի Կոբախիձեն «Օտարերկրյա գործակալների մասին» օրենքի դեմ շարունակվող բողոքի ակցիաների ֆոնին ասել է, որ երկրում նոր «մայդան» տեղի չի ունենա։

«Ինչ վերաբերում է Մայդանի և Վրաստանում տեղի ունեցող գործընթացների զուգահեռին, ես ուզում եմ բոլորին տեղեկացնել, որ Վրաստանում ոչ ոք չի հասնի մայդանին»,- լրագրողներին ասել է վարչապետը։

Նրա խոսքով՝ Վրաստանի իշխանությունների համար ամենակարեւորը անկախության մտահոգությունն է։

Մայիսի 14-ին Վրաստանի խորհրդարանը երրորդ և վերջին ընթերցմամբ ընդունեց «Օտարերկրյա ազդեցության թափանցիկության մասին» օրենքը՝ չնայած փողոցային բողոքի ցույցերին։

Մայիսի 18-ին Վրաստանի նախագահ Զուրաբիշվիլին վետո դրեց «Օտարերկրյա գործակալների մասին» օրենքի վրա՝ այն անվանելով «ռուսական» և «հակասահմանադրական»։

ԱՄՆ-ի պետքարտուղար Էնթոնի Բլինքենը հայտարարել էր, որ Միացյալ Նահանգները հայտարարում է Վրաստանի հետ երկկողմ համագործակցության համապարփակ վերանայման մասին՝ կապված «Օտարերկրյա գործակալների ակտի» հետ և նոր քաղաքականություն է ներմուծում՝ մուտքի արտոնագրերի սահմանափակումներ մտցնելու համար։ Վրաստանի իշխող կուսակցությունը ԱՄՆ-ի որոշումը անվանել է զավեշտական և աննախադեպ և նշել, որ շանտաժի սպառնալիքների քաղաքականությունը չի համապատասխանում ռազմավարական գործընկերության ոգուն։

Մայիսի 28-ին Վրաստանի խորհրդարանը յոթ ժամ տեւած քննարկումից հետո հաղթահարեց նախագահ Սալոմե Զուրաբիշվիլիի վետոն «Օտարերկրյա գործակալների մասին» օրենքի վրա և ընդունեց այն իր սկզբնական տարբերակով։ Կողմ է քվեարկել 84 պատգամավոր, դեմ՝ չորսը։

Չնայած շուրջ մեկուկես ամիս Թբիլիսիում և Վրաստանի խոշոր քաղաքներում շարունակվող փողոցային բողոքի ցույցերին, ինչպես նաև ԱՄՆ-ի և Եվրամիության կողմից պատժամիջոցների սպառնալիքներին, խորհրդարանը, այնուամենայնիվ, ընդունեց այս օրենքը։ Այժմ այն ստորագրության է ուղարկվել նախագահ Զուրաբիշվիլիին, նա ստորագրելու համար հինգօրյա ժամկետ ունի։ Եթե նա չստորագրի, օրենքը կստորագրի և կհրապարակի խորհրդարանի նախագահը։

Օրենքի հրապարակումից հետո Վրաստանի արդարադատության նախարարությունը և հանրային ռեգիստրի ազգային գործակալությունը պետք է 60 օրվա ընթացքում ստեղծեն «օտարերկրյա տերության շահերը հետապնդող կազմակերպությունների» ռեեստր։ Ռեեստրի գործարկումից հետո նրանում գրանցումը պարտադիր է դառնում բոլոր այն հասարակական կազմակերպությունների և լրատվամիջոցների համար, որոնք իրենց եկամտի 20%-ից ավելին ստանում են օտարերկրյա պետությունից։