Իրանն ու Ադրբեջանը համատեղ զորավարժություն կանցկացնեն

Հունիսի 12-ին Ադրբեջանի և Իրանի բանակները համատեղ զորավարժություն կանցկացնեն։ Այս մասին հայտնել է Ադրբեջանի ՊՆ-ն։

Անձնակազմի, ռազմական տեխնիկայի, ինքնաթիռների և անօդաչու թռչող սարքերի ներգրավմամբ զորավարժությունները կկենտրոնանան հրամանատարների որոշումներ կայացնելու հմտությունների, ինչպես նաև ստորաբաժանումների միջև հաղորդակցության բարելավման վրա:

Ադրբեջանի և Իրանի միջև ձեռք բերված պայմանավորվածության հիման վրա հարևան պետության տարածքում միաժամանակ կիրականացվեն մարտավարական զորավարժություններ իրանական բանակի համապատասխան ուժերի և միջոցների ներգրավմամբ։