18/07/2024

Ռուսաստանը Վրաստանի կամավորական ազգային լեգեոնը ճանաչել է ահաբեկչական կազմակերպություն

Ռուսաստանը Վրաստանի ազգային լեգեոնը ճանաչել է ահաբեկչական կազմակերպություն և արգելել նրա գործունեությունը Ռուսաստանի տարածքում, հայտնում է ՏԱՍՍ-ը՝ հղում անելով ԱԴԾ-ին։

Ինչպես պնդում է ԱԴԾ-ն՝ լեգեոնի անդամները մասնակցել են Ռուսաստանի տարածքում դիվերսիոն-ահաբեկչական գործողությունների կազմակերպմանը, ՌԴ ԶՈՒ ռուս զինծառայողների խոշտանգումներին և քաղաքացիական անձանց սպանությանը։

Լեգեոնի անդամների գործունեությունը այժմ կարող է որակավորվել ոչ միայն վարձկանների հավաքագրման հոդվածով, այլ նաև «ահաբեկչական ուղղվածության հոդվածներով», ավելացրել է ԱԴԾ-ն։