18/07/2024

Խոշոր վթար՝ Գեղարքունիքում․ բախվել են «Mercedes»-ն ու «ՎԱԶ 21099»-ը, վիրավnր կա. Լուսանկար

Այսօր՝ հունիսի 15-ին, խոշոր ավտովթար է տեղի ունեցել Գեղարքունիքի մարզում։

Ժամը 07։00-ի սահմաններում Երևան-Սևան-Իջևան ավտոճանապարհի 79 կմ հատվածում բախվել են Տավուշի մարզի բնակիչ 22-ամյա Ելենա Մակարյանի վարած «Mercedes» մակնիշի և Լոռու մարզի բնակիչ 46-ամյա Արամ Ավետիսյանի վարած «ՎԱԶ 21099» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով Ա․ Ավետիսյանը տեղափոխվել է «Սևան» բժշկական կենտրոն։

Դեպքի վայր են ժամանել ՀՀ Ներքին գործերի նախարարության փրկարար ծառայության Սևանի թիվ 32 հրշեջ փրկարարական ջոկատից՝ 1 մարտական հաշվարկ։

Փրկարարները նախ վիրավորին պատգարակով մոտեցրել են օպերատիվորեն ժամանած «Սևան» բժշկական կենտրոնի շտապօգնության ավտոմեքենային, ապա հոսանքազրկել են «Mercedes»-ը և փակել 2 ավտոմեքենաների գազաբալոնների փականները։

Վթարի փաստով Սևանի քննչական բաժնում նախաձեռնվել է քրեական վարույթ։

Գ․ Շամշյանի տեղեկություններով վարոդները տեղում ենթարկվել են սթափության փորձաքննության, «Mercedes»-ի վարորդը եղել է ոչ սթափ և չի ունեցել ավտոմեքենա վարելու իրավունք։

Խոշոր վթար՝ Գեղարքունիքում․ բախվել են «Mercedes»-ն ու «ՎԱԶ 21099»-ը, վիրավnր կա