25/07/2024

Հաղթանակի զբոսայգում պատռել են ՌԴ դրոշն ու պոկել զինանշանը. Լուսանկար

«Հաղթանակի զբոսայգում`«Փառքի ծառուղու» հատվածում գտնվողն ՀՀ սահմանները պահող հայւ ռուս սահմանապահին նվիրված արձանի մոտ ծածանվող Հայաստանի եւ Ռուսաստանի Դաշնության դրոշներից մնացել է միայն Հայաստանինը:

«Իրավունք» թերթը գրում է. Քաղաքացիներն ահազանգում են, որ ՌԴ պետական դրոշը ինչ-որ հակառուս կամ հակառուսներ պատռել են: Ավելին՝ արձանի հետեւում, որտեղ սահմանային սյուների վրա փակցված էր ՀՀ եւ ՌԴ զինանշաններն, այլեւս մնացել է միայն Հայաստանի Հանրապետության գերբը, ՌԴ-ինը պոկել են:

Նշենք, որ մինչ այս պահն՝ այն չի վերականգնվել, ոչ էլ տեղի ունեցածի համար որեւէ մեկը պատասխանատվություն է կրել: Ընդ որում՝ սա առաջին անգամ չէ, դեպքն արդեն պարբերական բնույթ է կրում:

Հիշեցնենք, որ տարածքը, որտեղ տեղակայված է դեռեւս նախորդ տարի կանգնեցված արձանը, պատկանում է ուղիղ քաղաքապետարանին»:

Հաղթանակի զբոսայգում պատռել են ՌԴ դրոշն ու պոկել զինանշանը․ «Իրավունք»