13/07/2024

Եվրո-2024. Սերբիայի հավաքականի պաշտպանը ուշագնաց է եղել

Սերբիայի հավաքականի պաշտպան Ստրաինյա Պավլովիչը Սլովենիայի ազգային թիմի դեմ Եվրո-2024-ի խմբային փուլի երկրորդ տուրի հանդիպման ընդմիջմանն ուշագնաց է եղել:

Սերբիայի հավաքականի գլխավոր մարզիչ Դրագան Ստոյկովիչը հայտնել է, որ դեպքը տեղի է ունեցել հանդերձարանում։

«Պավլովիչը կորցրել է գիտակցությունը, մենք նրան ուշքի ենք բերել: Ուշքի գալուց հետո լավ էր, բայց մի փոքր շփոթված էր։ Արևահարվելուց է եղել, սլովենացիներն ընդմիջման գնալիս ևս դժգոհում էին շոգից:

Մենք կարող ենք հպարտանալ, որ տղաները ցանկանում են կռվել, իսկ նրանց բարոյական ու կամային որակները շատ բարձր մակարդակի վրա են»,- ասել է նա:

Նշվում է, որ Ավստրիական «Զալցբուրգի» 23-ամյա ֆուտբոլիստը Սլովենիայի հավաքականի դեմ խաղացել էր առանց փոխարինման: