16/07/2024

Ում տանն է Սյունիքում հյուրընկալվել Բագրատ սրբազանը. Լուսանկար

Երեկ Բագրատ սրբազանի առաջնորդած շարժումը, ինչպեսեւ նախապես հայտարարվել էր, մեկնեց Սյունիք` սյունեցիների հետ եռօրյա հանդիպումների: Սրբազանին նախ դիմավորել են Վայքում, ապա՝ աղ ու հացով Սյունիքի դարպասների` Զանգերի մոտ:

«Հրապարակ» թերթը գրել է․ Շարասյունը, ոստիկանների ուղեկցությամբ, շարժվել է դեպի Մեղրի:

Մարդկանց հետ զրուցելով, շփվելով` Բագրատ սրբազանը շրջել է Մեղրիի բնակավայրերում եւ երեկոյան ուշ ժամի հասել Նռնաձոր համայնք, որտեղ կանգ են առել Ժորա անունով քաղաքացու տանը: Պարզվում է, նա երկար ժամանակ երազել է սահմանի վրա տուն ունենալ, եւ նրան այդ տունը գնել ու նվիրել է այժմ Բաքվի բանտում գտնվող Ռուբեն Վարդանյանը:

Մեր թղթակիցը Սյունիքից հաղորդում է, որ կեսգիշերից հետո` ժամը 3-ին, մեքենաներով շարժվելու են դեպի Խուստուփ լեռ` արեւածագը սարերում դիմավորելու:

Ում տանն է հյուրընկալվել Բագրատ սրբազանը. «Հրապարակ»