ՔՊ Կապանի տարածքային խորհրդի նախկին ղեկավար Նարեկ Դավթյանն օրերս ազատվել է մարզպետի աշխատակազմի ֆինանսական վարչության պետի պաշտոնից։
«Հրապարակը» գրում է․ Դավթյանին Կապանի խորհրդի ղեկավար պաշտոնից հեռացրել էր Նիկոլ Փաշինյանը՝ այս տարվա ամռանը, Սյունիք այցելելուց հաշված օրեր անց։ Կապանում բացահայտելով ներկուսակցական խժդժությունները՝ Փաշինյանը վերադարձել էր Երեւան եւ ՔՊ վարչությամբ որոշել Կապանի կառույցը լուծարել:
Անգամ ցանկացել էր Նարեկ Դավթյանին հեռացնել ՔՊ շարքերից, սակայն մարզպետ Ռոբերտ Ղուկասյանը բարեխոսել էր` թողել էին։
Ամիսներ անց աշխատանքային պարտականություններում հայտնաբերված թերությունների հիմքով ծառայողական քննություն է սկսվել Դավթյանի նկատմամբ, իսկ օրերս նրան ազատել են։
Ի դեպ, չնայած մարզի ՔՊ-ականները Դավթյանին դուխ են տվել, թե` պայքարիր, որ մնաս քո տեղում, սակայն՝ անօգուտ։ Ավելին, ասում են՝ նրա նոտար քրոջ գլխին էլ են սեւ ամպեր կուտակվում, եղբոր հովանավորչության շնորհիվ տարիներ շարունակ նոտարական գործունեություն է ծավալել մարզպետարանի շենքում, հիմա նրան էլ են վտարելու այդ շենքից։
Բաց մի թողեք
Յուրաքանչյուր քաղաքացի ինքը պետք է մասնակիցը լինի, վկան լինի՝ մեր երկրի իրական ազատագրման․ Հովհաննիսյան
ՔՊ-ն շաբաթ օրը հավաքվելու է Գորիսում. ինչ հարցեր են օրակարգում
ՔՊ-ականներից շատերը չգիտեն Փաշինյանի առաջիկա ծրագրերը Վեհափառին վեհարանից հեռացնելու վերաբերյալ