Թեհրանը բողոք է հայտնել Մոսկվային՝ կապված Ռուսաստանի Կազան քաղաքի համալսարանում իրանցի ուսանողների «բռնի» ձերբակալության հետ՝ հայտնել են Իրանի պետական լրատվամիջոցները:
IRNA իրանական պետական լրատվական գործակալության տվյալով՝ Կազանի դաշնային համալսարանին կից վիզային կենտրոն այցելած երկու իրանցի ուսանողներ ձերբակալվել են, ենթարկվել ոստիկանության կողմից «անմարդկային և ոչ պրոֆեսիոնալ վերաբերմունքի»:
Ի պատասխան՝ Իրանը Ռուսաստանի ԱԳՆ-ին բողոքի նոտա է հղել, որում դատապարտել Է իրանցի ուսանողների նկատմամբ ոստիկանության դաժան վերաբերմունքը: Թեհրանը միջադեպի առնչությամբ Մոսկվայից բացատրություն է պահանջել։
Ուսանողներն ավելի վաղ ազատ են արձակվել հյուպատոսության միջամտությունից հետո: Կազանի ոստիկանության մամուլի ծառայությունը հայտնել էր, որ ուսանողների միջև կոնֆլիկտը վերածվել է ծեծկռտուքի, և որ ոստիկանության աշխատակիցները ձերբակալել են կռվի հրահրողներին: Հաղորդագրության մեջ նշված չէ ձերբակալվածների քաղաքացիությունը։
Բաց մի թողեք
Օրբանը ասել է, թե ինչպես պետք է ավարտվի Ուկրաինայի և Ռուսաստանի միջև պատերազմը
ԵՄ 7 երկրներ կոչ են արել արագացնել Ուկրաինային ռուսական ակտիվներով փոխհատուցման վարկի տրամադրումը
Եթե Ռուսաստանը հաղթի՝ բոլորս կպարտվենք, չենք կարող թույլ տալ, որ Ուկրաինան պարտվի․ Չեխիայի նախագահ