Քննչական կոմիտեն նոր խոսնակ ունի․ նա Կիմա Ավդալյանն է։
Գոռ Աբրահամյանին ՔԿ նախագահի պաշտոնից ազատումից հետո ՔԿ նորանշանակ նախագահ Արթուր Պողոսյանը մտադիր է Կոմիտեի քարտուղար նշանակել դատախազության լրատվական ծառայության աշխատակից Կիմա Ավդալյանին, որին դատախազ Աննա Վարդապետյանի ցանկությամբ են «գործուղում» ՔԿ։
Մեզ ասացին, որ երեկ Կիման, որ արդեն ազատվել էր դատախազությունում իր աշխատանքից, եղել է Քննչական կոմիտեում և նախնական ծանոթացել իր պարտականություններին, իսկ այսօր արդեն պաշտոնապես հաստատվեց նրա նշանակումը։
Այդ մասին այսօր իր ֆեյսբուքյան էջում, որտեղ, ի դեպ, երեկվա դրությամբ որևէ նկար և հրապարակում չկար, Կիմա Ավդլայանն արդեն նկար է տեղադրել իրենից և հայտարարել, որ նշանակվել է ՔԿ նախագահի մամուլի քարտուղար։
«Զանգվածային լրատվության միջոցների հարգելի գործընկերներ, այսօրվանից ստանձնում եմ Քննչական կոմիտեի նախագահի մամուլի քարտուղարի պարտականությունները: Ինձ հետ կարող եք կապ հաստատել (012) 515 418 հեռախոսահամարով և press@investigative.am էլ. հասցեով: Մեզ մաղթում եմ արդյունավետ համագործակցություն»,- գրել է ՔԿ նոր մամուլի քարտուղարը։
Բաց մի թողեք
Հունվարի 13-ի աստղագուշակ․ Ամեն ինչ իր նորմալ հունով է ընթանում, միայն թե` շատ դանդաղ
Նիկոլ Փաշինյանը մինչև հիմա չի գիտակցել, որ չկա ոչ թե կոնֆլիկտը, այլ Ղարաբաղը
Հունվարի 12-ի աստղագուշակ․ Կարևոր գործերը մի հետաձգեք ․․․