Նախկին իշխանական, ներկայում քաղհալածյալ պատգամավոր Հովիկ Աղազարյանը գիրք է գրում, որն անվանելու է «Երկրի իրական կողմը»:
«Հրապարակը» գրում է․ Եթե հիշում եք, ընդհատակում գտնվելու ժամանակ՝ 2008-2009 թվականներին, Նիկոլ Փաշինյանը «Երկրի հակառակ կողմը» վերնագրով գիրք էր գրել։ Ինչո՞ւ «իրական կողմը», հակադրվո՞ւմ եք Փաշինյանին՝ հարցրինք Աղազարյանին։ «Բացարձակ հակադրում չի լինելու, գիրքը լինելու է ինքնակենսագրական, եւ հիմնական մասը նվիրված է լինելու իմ այն հեռախոսի պարունակությանը, որն այսօր գտնվում է չգիտեմ որտեղ»,- ասաց նա։
Հիշեցնենք, որ շաբաթներ առաջ քրեական վարույթի շրջանակներում առգրավել են Աղազարյանի հեռախոսը, ապա դրա պարունակությունը, այդ թվում՝ անձնական ինֆորմացիաները, հանրայնացրել` քննարկման դնելով կուսակցության վարչության, ապա խմբակցության նիստերի ժամանակ։
Ինչո՞ւ, այնուամենայնիվ, որոշեցիք գիրք գրել։ Աղազարյանը կատակեց, թե վաղը, մյուս օրը կալանավորելու են, ֆինանսական դժվարություններ է ունենալու` գրքի վաճառքի հասույթով կկարողանա օգնել ընտանիքին:
Բաց մի թողեք
Էդուարդ Հակոբյանը՝ ՊԵԿ նախագահ նշանակվելու, թերհավաքագրումների և ժողովրդի «կшշին քերթելով»՝ բյուջեն լցնելու մասին
Ո՞վ է խորհրդավոր «ոստիկանն», ով դիակներն ուղարկում է այրման
Գործողություն են ուզում, ոչ թե խոսքուզրույց