Ագրարային համալսարանից մեզ հայտնեցին, որ հոգաբարձուների խորհուրդը պատրաստվում է կազմակերպել ռեկտորի պաշտոնի մրցույթ, որը թափուր է արդեն 13 ամիս:
Հրապարակ թերթը գրել է․ Ըստ տարածված լուրերի, ռեկտորի պարտականությունները կատարող Հրաչյա Զաքոյանին ասվել է, որ խնդիր չի չունենա ընտրվելու հարցում:
Զաքոյանի մերձավոր շրջապատից լուրեր են տարածում, որ նա վայելում է ԿԳՄՍ նախարար Անդրեասյանի, խորհրդի նախագահ Արման Խոջոյանի եւ վարչապետի աշխատակազմի ղեկավար Արայիկ Հարությունյանի բարեհաճությունն ու անվերապահ աջակցությունը: Զաքոյանը նախ տնտեսական, ապա ուսումնական աշխատանքների գծով պրոռեկտոր է նշանակվել ընկերոջ՝ նախկին ռեկտոր Վարդան Ուռուտյանի կողմից: Զաքոյանի չառաջադրվելու պարագայում, որպես պահեստային տարբերակ, հավանական է համարվում նաեւ Ուռուտյանի առաջադրումը:
Ուռուտյան-Զաքոյան տանդեմի կառավարման տարիներին, հիշեցնենք, համալսարանն արձանագրել է ընդունելության աննախադեպ ցածր ցուցանիշներ, ուսանողների եւ աշխատողների քանակի շեշտակի նվազում, ինչպես նաեւ՝ կուտակել է 550 միլիոն դրամի պարտք՝ գույքահարկի գծով:
Բաց մի թողեք
Մարդիկ ՔՊ անունը լսելիս քաղաքական պսիխոզի մեջ են հայտնվում
ՀՀ պարտքը սպասարկելու համար տարեկան ծախսվում է 1 տրիլիոն դրամ, որի կեսը տոկոսն է, կեսը՝ մայր գումարը
Ալեն Սիմոնյանի եղբոր ղեկավարած ընկերությունը, որ հարյուրավոր մլն դրամի մրցույթներում է հաղթել, սնանկացել է