Կոմպետենտ մարդիկ են, փորձել ենք նման թիմ ունենալ․ Կարեն Մալխասյան

Գյումրիի ՏԻՄ ընտրություններին մասնակցության հայտ ներկայացրած կուսակցությունների շարքում է նաև «Ապրելու երկիր» կուսակցությունը, քաղաքապետի թեկնածուն Կարեն Մալխասյանն է, ով Գյումրիի ավագանու «Ապրելու երկիր» խմբակցության ղեկավարն է։

Կալիպսե Ասատրյանն ու Հայկ Պողոսյանը խմբակցության ավագանու մյուս անդամներն են:

Հաջորդիվ համարները զբաղեցնողների  մասին մանրամասնում է ցուցակը գլխավորող Կարեն Մալխասյանը․ «Բոլորն էլ քաղաքում եւ իրենց ոլորտում ճանաչված մարդիկ են։ Կան ե՛ւ ավագ, ե՛ւ միջին, ե՛ւ  երիտասարդ սերունդների ներկայացուցիչներ։ Ֆինանսիստներ, տնտեսագետներ, արվեստաբաններ, նույնիսկ մեր ավագ ընկերն է ընդգրկված, որը նախկինում ավագանու անդամ է եղել, ավագ ընկեր ունենք, որը կառավարման բազմամյա փորձ ունի, ե՛ւ մշակույթի բաժնի պետ է եղել, ե՛ւ դպրոցի տնօրեն, ունենք երիտասարդ լրագրող։ Կոմպետենտ մարդիկ են, փորձել ենք նման թիմ ունենալ, որպեսզի քաղաքի առջև ծառացած խնդիրները՝ կապված տարբեր ոլորտների հետ, կարողանանք ճիշտ լուծում տալ»։