Երեկ՝ մարտի 21-ին, ավտովթար է տեղի ունեցել Կոտայքի մարզում։
Ժամը 23։20-ի սահմաններում Հրազդան քաղաքի Զորավար Անդրանիկի փողոցում բախվել են Կոտայքի մարզի բնակիչներ 62-ամյա Խաժակ Գ․-ի վարած «Mercedes Viano» մակնիշի և 22-ամյա Միշա Խ․-ի վարած «BMW X5» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Հրազդան» բժշկական կենտրոն։
Վիրավորներին առաջինը օգնության են հասել քաղաքացիները և ըստ դեպքի վայրում հավաքվածների օպերատիվ են գործել «Հրազդան» բժշկական կենտրոնի շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը տեղում առաջին բուժօգնություն են ցուցաբերել։
Վթարի փաստով քննչական վարչությունում նախաձեռնվել է քրեական վարույթ:
Երեկ՝ մարտի 21-ին, ավտովթար է տեղի ունեցել Երևանում։
Ժամը 17։10-ի սահմաններում Աշտարակի խճուղում՝ «Կարմիր խաչ»-ի մոտակայքում բախվել են 2 «Nissan» մակնիշի ավտոմեքենաները։
Վթարի հետևանքով, ըստ նախնական տեղեկությունների, բարեբախտաբար տուժածներ չկան։
Վթարի հետևանքով խցանումը անցնում էր մոտ 1 կիլոմետրը:
Երեկ՝ մարտի 21-ին, ավտովթար է տեղի ունեցել Երևանում։
Ժամը 22։50-ի սահմաններում Կոմիտասի պողոտա, Գյուլբենկյան և Կասյան փողոցների խաչմերկում բախվել են «Toyota Land Cruiser», «Kia Forte» և «Honda e:NS1» մակնիշի ավտոմեքենաները։
Ըստ նախնական տեղեկությունների բարեբախտաբար տուժածներ չկան։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկները՝ գումարտակի հրամանատար Արսեն Ստեփանյանի, վաշտի հրամանատար Վլադիմիր Դերձյանի գլխավորությամբ։
Ժամանել են նաև Երևանի 1-03 շտապօգնության բժիշկների հերթապահ խումբը, ովքեր տեղում բուժօգնութուն են ցուցաբերել 1 հոգու, ով սակայն հրաժարվել է հիվանդանոց մեկնելուց։
Բաց մի թողեք
Հալեպահայ երիտասարդը հանկարծամահ է եղել Երեւանում. Լուսանկար
Երևանում՝ կարճատև անձրև, մարզերում՝ քամու ուժգնացում է սպասվում․ եղանակն՝ առաջիկա օրերին
Մադրիդում Սիրուշոյի ելույթի ժամանակ երաժշտությունը կեսից անջատվել է․ երգչուհին շարունակել է երգել․ Տեսանյութ