Գորիս համայնքի ղեկավար Առուշ Առուշանյանը ՀՀ Սյունիքի մարզպետի խորհրդական Սուրեն Քեսեջյանի հետ ընդունել է աշխատանքային այցով մարզ ժամանած Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին։
Ինչպես հայտնում են համայնքապետարանից, հանդիպման ընթացքում համայնքի ղեկավարը դեսպանի հետ քննարկել է երկկողմ համագործակցությանն առնչվող մի շարք հարցեր, որոնք մասնավորապես վերաբերել են Գորիսում հյուպատոսություն բացելու հնարավորությանը, ինչպես նաև Հայ-ֆրանսիական ապակենտրոնացված համագործակցության գալիք համաժողովին, որը կանցկացվի Գորիսում հունիսի 2-3-ին։
Դեսպանը հատուկ ընդգծել է, որ Գորիսը ֆրանսախոս քաղաք է, ինչը կարևոր հիմք է հանդիսանում երկկողմ հարաբերությունների զարգացման համար։ Նա նշել է, որ գալիք համաժողովն ուղղված է երկու երկրների միջև կապերի ամրապնդմանը և համագործակցության նոր ուղիների բացահայտմանը։
Այցի շրջանակներում ԱԳՆ-ի և ՏԿԵՆ-ի գործընկերների հետ դեսպանը շրջայց է կատարել քաղաքում՝ գնահատելու տեխնիկական հնարավորությունները և քննարկելու համաժողովի կազմակերպչական հարցերը։
Բաց մի թողեք
Պայթյուն Սևան-Երևան ճանապարհին գործող գազալցակայանում. վնասվել են ավտոմեքենաներ, արևային պանելներ. Լուսանկար
Ի՞նչ վիճակում են Գյումրիի խոշոր ավտովթարից տուժածները. նրանցից մեկը երեխա է. Լուսանկար
Երկրաշարժ՝ Բավրա գյուղից 8 կմ հարավ-արևելք․ այն զգացվել է Հայաստանում