«Մեր ձևով» ժողովրդական շարժման անդամ Գոհար Մելոյանը հորդորել է Վաղարշապատի և հարակից գյուղերի գյուղերի բնակիչներին մասնակցել ընտրություններին։
«Մեր ուղերձն է Վաղարշապատ համայնքի բնակիչներին, Վաղարշապատ համայնքի ընտություններին մասնակից բոլոր հարակից գյուղերի բնակիչներին, որ գնան և իրենց քաղաքացիական պարտքը կատարեն։ Պետք է քաղաքացին դուրս գա տանից, գնա տեղամասային կենտրոն և իրացնի իր ընտրական իրավունքը»,– նշված է գրառման մեջ։
Պառլամենտարիզմի զարգացման միջազգային կենտրոնի ղեկավար Գոհար Մելոյանը լրագրողների հետ հանդիպման ժամանակ տեղեկացրեց, որ Վաղարշապատ համայնքում արդեն սկսվել է նախընտրական քարոզչությունը, և արձանագրվել են առաջին խախտումները։
«Հանրային իրազեկվածությանը զուգահեռ մենք պետք է գործի դնենք հանրային վերահսկողության մեխանիզմները։ Գյումրիի ընտրությունները ցույց տվեցին, թե ինչ արդյունք կարելի է ունենալ ԶԼՄ-ների հետևողական աշխատանքի շնորհիվ»,– նշեց Մելոյանը։
Նա ընդգծեց, որ ընտրության գաղտնիությունը շատ կարևոր է, և եթե քաղաքացին բացահայտի իր ընտրությունը, դա համարվում է պատժելի արարք։
«Մեր տեղեկություններով, համայնքներում մարդկանց ասվում է, թե տեսախցիկներ կան տեղադրված և նրանք կհետևեն ձեր ընտրությանը։ Սա փորձ է միջամտելու և սահմանափակելու մարդու ազատ ընտրական իրավունքը։ Բայց ցանկանում եմ հստակ ասել, որ տեղամասերում ոչ ոք չի կարող վերահսկել ձեր ընտրությունը։ Մենք կպահպանենք վերահսկողություն բոլոր տեղամասերում, կստուգենք կողմնակի տեսախցիկների առկայությունը, և նրանք չեն կարողանա իմանալ, թե քվեախցում ում եք ընտրում»,– ընդգծեց Գոհար Մելոյանը։
Հիշեցնենք՝ Վաղարշապատ համայնքի ավագանու ընտրությունները նախատեսված են 2025 թ․ նոյեմբերի 16-ին։
Բաց մի թողեք
«Քոչարյան Ռոբերտ, մին հարց տամ լի Ծեզ». Տիգրան Պետրոսյան
Ի՞նչ է նշանակում Սևանա լճի թյուրքական Gökçä շատ ուշ հայտնված անվանումը․ Լուսանկար
Սոնա Մնացականյանի վրաերթի գործով շաՌասյան վարորդը բանտում չէ